Scholia Graeca in Homeri Iliadem. Volumen primum, Praefationem et scholia ad libros A-Δ continens

656 Pages·1969·15.304 MB·Greek

by  Erbse, Hartmut

SCHOLIA GRAECA IN HOMERI ILIADEM
I

SCHOLIA GRAECA
IN HOMERI I LIAD Ε M
(SCHOLIA VETERA)
RECENSVIT
HARTMVT ERBSE
VOLVMEN PRIMVM
PRAEFATIONEM ET SCHOLIA AD LIBROS Α—Δ
CONTINENS
BEROLINI
APVD WALTER DE GRVYTER ET SOCIOS
MCMLXIX
Adiectae sunt tres tabulae phototypicae
Archiv-Nr. 3669681
©
1969 by Walter de Gruyter Be Co., vormals G. J. GSschen'sche Verlagshandlung —
J. Guttentag( Verlagsbuchhandlung — Georg Reimer — Karl J. Trübner — Veit & Comp.,
Berlin 30
Printed in Germany
Ohne ausdrückliche Genehmigung des Verlages ist es nicht gestattet, dieses Buch oder
Teile daraus auf photomechanischem Wege (Photokopie, Mikrokopie) zu vervielfältigen
Druck: Walter de Gruyter Sc Co., Berlin 30
CHARLOTTE DONATE
VXORI PIAE
ASSIDVAE HORVM STVDIORVM
ADIVTRICI

Cum consilium caperem, Scholia ad Iliadem pertinentia re-
censere, non putavi umquam necessarium fore, beneloventiae Tuae,
lector candidissime, hoc propositum studiose commendare; nam
singulas classes veterum interpretationum Homericarum in unum
corpus colligens Tuis praecipue commodis consulere volebam. Sed
mox incidebam in viros doctos, qui affirmarent totam me operam
perdere: multo praestare autumabant in interpretando Homero
suo iudicio confidere, doctrinas autem antiquas, quae ad carmen
intellegendum nihil fere conferrent, piane neglegere; ergo nova
editione istarum explicationum paene obsoletarum nobis hodie non
iam opus esse. Talia me audientem et in mente agitantem saepe
animus defecit. Ne nunc quidem, primo volumine absoluto, hos
libros opinor benigne acceptum iri, nostris quidem temporibus,
quibus modestia fidesque in caelum effugerint vanitatesque opinio-
num vel inter doctissimos grassentur, ita ut huius generis opuscula
a suae personae gravitate aliena ducant. Habeo ergo, quod dubitem,
num haec recensio, in quam conficiendam aliquantum laboris im-
pendi, cuiquam fructui sit.
Alia accedunt. Quamquam enim multos codices sedulo contuli
omniumque verborum pondera diligenter examinavi, singulae sen-
tentiae Graecae, paucis locis exceptis, nunc non magis perspicuae
sunt, quam antea erant; numerus atque ordo testimoniorum, quae
in margine enumeravi, Tuis exspectationibus non respondeant;
totum denique opus, quamvis secundum praecepta grammaticorum
institutum sit, sine mente ac ratione, si id diligenter perpendas,
effectum esse videatur. Itaque mihi persuasi hanc recensionem ad
umbilicum non perpolitam esse : multas corruptelas continet, quibus
mederi nesciebam, multas coniecturas temere prolatas, multos
locos intricatos, quos ita non expedivi, ut aliorum operam requirant.
In plurimis igitur erravi, quorum veniam a Te, lector benivole,
me impetraturum esse parum confido. Tamen semper fere sperabam
fundamentum me iacturum esse, in quo ahi maiore doctrinae
ubertate completi aedificium stabile facere possint. Amicis denique
suadentibus opus abhinc viginti annos inchoatum, quod cottidie
in manibus habere et politius limare iam pridem assuetus eram,
publici iuris facere paene invitus constituí, ñeque ea, quae tot annis
collegeram, tanto studio in ordinem redegeram, via atque arte
interpretan conatus eram, longius occultare volui. Nescio an in-
consulte egerim. Certe acquiescam, si paululum quidem luminis his
studiis iniuria saepe neglectis attulisse inveniar.
Neque tamen meam ipsius operam augens solus existiman volo
de hac editione meritus esse. Quam numquam suscepissem, nisi a
vm
multis vins iisque doctissimis adiutus essem, qui Consilio et adiu-
mento suo meam inopiam sustentaverunt. Etsi spatiis exclusus
iniquis (ut poetae verbis utar) nomina eorum enumerare super-
sedeo, pro beneficiis in me impensis gratias eis ago maximas. Inter
omnes autem, qui huic instituto favebant, unus eminet: Bruno
Snell, praeceptor venerabilis, qui me non modo elementa artis
criticae docuit, sed etiam monuit, quod iam Ciceroni placebat,
neminem esse beatum, nisi qui veritatem investiget, etiamsi in
minutiis earn indagare cogatur neque ad eius inventionem valeat
pervenire. Equidem scio praeter ipsum usum me meliorem ma-
gistrum invenire non potuisse, ac viro praestantissimo pro tot
beneficiis et tam sanis consiliis gratias ex animo ago semperque
habebo.
Benevolentia et liberalitate complurium societatum amplissi-
marum potestas mihi data est in bibliothecas Bataviae, Britanniae,
Helvetiae, Hispaniae, Germaniae, Italiaeque proficiscendi, ut co-
dices potiores in loco conferrem. Has fautrices memori mente nomi-
natim hic commemoravi: The British Council, Det Kongelige
Danske Videnskabernes Selskab, Deutsche Forschungsgemeinschaft,
Fondation Hardt pour l'Étude de l'Antiquité classique, Joachim
Jungius Gesellschaft, Institut de Recherche et d'Histoire des Textes.
Bibliopola denique humanissimus officio suo non deerat, sed
iterum atque iterum providit, ut typothetae summam diligentiam
adhiberent. Accurate igitur et emendate his temporibus studiis
nostris tam iniquis liber typis exscriptus est. Fortasse miraberis,
quod numeri, quibus singulae lineae textus Graeci notantur, non, ut
fieri solet, in unaquaque pagina initium a primo capiunt, sed usque
ad nonagesimum quintum vel paene centesimum continuantur.
Quod ut faceret, bibliopola ingentibus impendiis coactus est; nam
ni hoc constituisset, singula exemplaria etiam pluris starent. Tamen
sperat ordinem insolitum, quippe quo elegentia libri non minuatur,
Te, lector magnanime, indulgenter probaturum esse.
Restât, ut gratias debitas Κ. Nickau persolvam, viro doc-
tissimo et in grammaticis Graecis egregie versato. Qui in plagulis
corrigendis me adiuvans non solum typothetarum menda magna
patientia investigavit miraque oculorum acie detexit, sed etiam
multos locos, quibus ipse erraveram vel desperaveram, ingenii sui
acumine feliciter illuminavit.
Scribebam Tubingae mense Martio anni D. 1968
ARGVMENTVM VOLVMINIS PRIMI
PRAEFATIO
A. De classibus, in quas scholia ad Homeri Iliadem distri-
buuntur XI
B. De libris manuscriptis, quibus Scholia maiora servata sunt
I. De codicibus XIII
II. De papyris XXXIV
C. De ratione, quae inter codices intercedit (vide stemma
p. LVIII delineatum)
I. De codice Veneto A eiusque propinquis XLV
II. De scholiis exegeticis XLVIII
III. De fragmentis commentarii quattuorvirorum, quae
in scholiis exegeticis exstant LII
IV. De scholiis classis h LVI
D. De testimonies, h. e. de scholiis extra libros Homéricos
traditis LX
E. De editionibus LXVII
F. De huius editionis ratione LXXIII
COMPENDIA
1. Auctores LXXIX
2. Tituli librorum LXXXIX
3. Abbreviationes ceterae minus usitatae XCIX
4. Sigla librorum manuscriptorum C
6. Nomina virorum doctorum selecta CU
SCHOLIA GRAECA
ad Iliadis librum A 3
ad Iliadis librum Β 163
ad Iliadis librum Γ 353
ad Iliadis librum Δ 440
Addenda et Corrigenda (vide etiam p. CIII) 539