Preview Onthou Jy Nog
My kinderjare was heerlike lekker-onthou jare wat diep in my geheue gegrafeer is. My kleintyd was dikwels gevul met ‘n fantasiewêreld omdat ek aleen grootgeword het op ‘n plaas.
Maar daar was ook baie insidente in my lewe wat so ‘n groot indruk gemaak het, dat ek dit vir altyd sal onthou.
En dan was daar natuurlik die oumense se stories - ek het aan hulle lippe gehang en elke woord ingedrink. Die dinge wat hulle vertel het, het my verbeelding aangegryp. Daar was stories uit die Boere-oorlog en die konsentrasiekampe, en dan was daar natuurlik die jagverhale wat met groot smaak vertel is.
Wat onthou jy nog uit jou kinderdae? Ek nooi jou uit om jou gedagtes vrye teuels te gee en te dink aan daardie wonderlike, sorgvrye tye - ja, soms was dit maar bitter swaar, maar vandag dink jy terug met groot lekkerkry.
In hierdie boekie het ek deurgaans gepoog om die onthou-tye te koppel aan die hier-en-nou van die wonderlike Woord van God. Kom, onthou saam met my!
The list of books you might like
