Odyssea: Recensuit Et Testimonia Congessit Martin L. West

572 Pages·2017·3.301 MB·Ancient Greek

by  Martin L. Homerus West

B I B L I O T H E C A
SCRIPTORVM GRAECORVM ET ROMANORVM
T E V B N E R I A N A
BT 2026
CONSILIATORES TEVBNERIANI
GIAN BIAGIO CONTE
JAMES DIGGLE
DONALD J. MASTRONARDE
FRANCO MONTANARI
HEINZ-GÜNTHER NESSELRATH
DIRK OBBINK
OLIVER PRIMAVESI
MICHAEL D. REEVE
RICHARD J. TARRANT
HOMERVS
ODYSSEA
RECENSVIT ET TESTIMONIA CONGESSIT
MARTIN L. WEST
DE GRUYTER
ISBN 978-3-11-042539-0
e-ISBN (PDF) 978-3-11-042023-4
ISSN 1864-399X
Library of Congress Cataloging-in-Publication Data
A CIP catalogue record for this book has been applied for at the Library of Congress.
Bibliographic information published by the Deutsche Nationalbibliothek
The Deutsche Nationalbibliothek lists this publication in the Deutsche Nationalbibliografie;
detailed bibliographic data are available on the Internet at http://dnb.dnb.de.
© 2017 Walter de Gruyter GmbH, Berlin/Boston
Greek font: Orthos by Ralph Hancock
Printing: Hubert & Co. GmbH & Co. KG, Göttingen
♾ Printed on acid-free paper
Printed in Germany
www.degruyter.com
hoc volvmine continentvr
Praefatio ······················································································ vii
De traditione ·········································································· vii
De papyris ·············································································· vii
De testimoniis ········································································· ix
De codicibus litteris minusculis conscriptis ···························· x
Orthographica ······································································ xvii
Gratiarum actio ···································································· xxv
Sigla. Breviata
Exemplarium antiquorum fragmenta ······························· xxvii
Glossaria, commentarii, scholia minora ······························ xlii
Papyri et inscriptiones variae in quibus versus
Homerici laudantur ························································ xliv
Grammatici ··········································································· xlv
Fontes alii antiquiores ························································· xlvi
Libri saec. x–xii qui versus ex Odyssea excerptos ferunt ·· xlvi
Codices saec. x–xiv constanter citati ································· xlvi
Codices saec. xiii–xv raro citati ········································ xlvii
Sigla cetera ········································································· xlvii
Editores praecipui ····························································· xlviii
Opera compendiosius laudata ············································· xlix
Odyssea ·························································································· 1
Index nominum ·········································································· 509

praefatio
Iliadem quam ante tria lustra edidi nunc sequitur Odyssea eodem
consilio retractata. Illam cum confido fere nemini inaccessam fore
qui hanc in manibus versabit, passim ad eam referam, ne molesta
fiat materia repetita.
de traditione
De carminis origine et compositione in libro qui inscribitur The
Making of the Odyssey (Oxonii 2014) fusius disserui. Probare stu-
dui, Odysseam non in Ionia compositam esse sed in Graecia,
fortasse in Euboea vel Attica (op. cit., 86–91): quod si ita est,
verendum est ne nimis curiose Atticismos textu expellamus, dum
genuini esse possint. Ceteroquin, quod ad carminis traditionem
per saecula vi–iv a.C. pertinet, satis est ad ea referre quae in
praefatione Iliadis (v–vi) exposui. Item de Zenodoti Aristophanis
Aristarchi Didymi Herodiani studiis Homericis (ibid. vi–viii).
Haec tantum repetere non erit inutile:
Didymo duo exemplaria praesto erant, interdum discrepantia,
quae Aristarchi recensiones credebat continere. Quotiens in
scholiis duplex lectio Aristarcho tribuitur, siglis utor Ara, Arb. Quo
ita facto nullo modo excludi potest, quin idem exemplar modo Ara
modo Arb denotetur.
Si quam Aristarchi lectionem laudat Didymus, ideo laudat ut
eam alteri cuidam contraponat: cuinam, saepe non dicitur in
scholiis, sed raro in dubio est, quae fuerit. Huic in apparatu ‘nov.
Did’ appono, ne te lateat, eam quoque antiquam fuisse.
de papyris
Odysseae papyri exstant hodie fere dlxvi. In apparatu eas meris
numeris designavi, illam seriem continuans quam instituit Allen
(1–30), extenderunt P. Collart (31–104), H.-J. Mette (105–159), D.
viii praefatio
Sutton (160–220, h1–33, w1–36).1 Catalogum infra reperies in
indice siglorum.
Maior pars nondum edita est, neque ceterarum omnium textus
plena transcriptione est vulgatus: de multis nihil legere datur
praeter brevem commentationem. Harum ut lectiones cognosce-
rem, magnopere adiuvit Andreas Mirończuk Varsoviensis, qui ad-
mirabili cura et studio papyros reconditas ac per orbem terrarum
dispersas investigavit, accuratissime transcripsit, mihi communi-
cavit. Fragmenta Oxyrhynchica inedita elicui cccviii, Oxonii in
Bibliotheca Sackleriana conservata, quae ut inspicerem benigne
concessit Societas Aegypto Explorandae. Harum nonnullis iam
insudaverant dissertationum scriptores, iuvenes plerique, quorum
transcriptiones grato animo usurpavi, nomina honoris causa in
catalogo laudabo.
Cum saepissime lectiones referendae sint plurium simul papy-
rorum, vel papyri cuiusdam simul et codicum recentiorum, mole-
stum esset atque inutile, si curiosius praedicarem, quot in quaque
papyro litterae pessumdatae sint, vel quatenus accentibus spiriti-
busque ornetur. Talia tum denique curo, cum interest. Itaque cum
in apparatu ad δ 198 legis: κείρασθαί 23 313 317 318 tt Ω*: -εσθαι
Hs M, noli sumere, papyros quattuor integrum verbum κειρασθαι
praebere, idque cum accentibus, verum hoc tantum intellige, tot in
unaquaque litteras vel vestigia superesse, ut clarum sit, eam -
ασθαι non -εσθαι praestitisse. Si quando sufficit mensura lacunae
ut dignoscatur, utra duarum lectionum in papyro steterit, siglum
cancellis saepio, ut e.g. ad τ 79: οἷσι [130] G B N: οἷσιν Ω*.
1 Cf. D. Sutton, Homer in the Papyri (textus electronicus, Scholar’s Press
1992). Littera h (‘Homerica’) praefixa designat commentarios, scholia
minora, glossaria, historiolas et sim., littera w (‘witness’) alienigenos
libros in quibus versus Homerici laudantur. Ne quis variis numeris de-
ceptus papyros videat ubi nullae sunt, moneo quod papyrorum numeri
semper cum lectionibus cohaerent. Ordo expositionis est: lectio tradita,
grammatici antiqui, papyri, testimonia, codices mediaevales. Alia signi-
ficant igitur numeri qui post ‘cf.’ vel post alicuius viri docti nomen
apparent.
praefatio ix
de testimoniis
Testimonia auctorum ut potui congessi, quo plenior traditionis
reddatur species. Multa collegerunt priores, imprimis Iacobus La
Roche et Arturus Ludwich, multa tamen addenda erant. Caute ad-
hibenda sunt, quoniam auctores plerumque memoriter citant vel
ab aliis hauriunt. Vix umquam meliorem conservant lectionem
quam traditio directa. At docent subinde, varias lectiones, quae in
libris Byzantiis feruntur, iam prioribus saeculis concurrisse, vel
etiam indicant versum insiticium novisse auctores alias non
traditum.2
Inter testimonia recentiora notabiles sunt centones Christiani
versibus Homericis concinnati, quorum compages duo longiores
editae sunt:
(1) Sylloge quae in cod. Par. Suppl. gr. 388 (saec. x) exstat
quaeque titulum prae se fert Ὁμηροκέντρων Πατρικίου ἐπισκό-
που καὶ Ὀπτίμου φιλοσόφου καὶ Εὐδοκίας Αὐγούστης καὶ Κοσμᾶ
Ἱεροσολυμίτου τῶν πάντων εἰς ἑνὸς συνθήματος ἐκλογήν. Edidit
A.-L. Rey, Centons homériques (Parisiis 1998). Hanc per compen-
dium ‘Cent(ones) Par(isini)’ cito.
(2) Carmen perpetuum paullo politius, versibus mmcccxliv
confectum, quod Eudociae Augustae recensionem esse evicit Mar-
cus D. Vsher. Diu non nisi ex Aldi Stephanique editionibus notum
erat; nostris temporibus partem maiorem (vv. 1–1548) repperit
Vsher in codice Athoo (Iberorum 4464, saec. xiv). Edidit idem,
Homerocentones Eudociae Augustae (Bibl. Teubn., Stutgardiae et
Lipsiae 1999). ‘Eudoc.’ cito; et si qui versus et apud hanc et in
sylloge Parisina feruntur, hanc solam nomino.
Testimonia (praeter ea quae papyris laceris servantur, e.g. in
Philodemi libris) ita laudavi ut cognoscas, quot verba comprehen-
dant. Litterae a, b versuum numeris adiectae hemistichia denotant
prius et posterius. In apparatu critico siglum ‘tt’ testimonia omnia
significat, ‘tt*’ cetera praeter ea quae singillatim laudantur, ‘t’ et
‘t*’ testimonium unicum seu reliquum.
2 V. ad β 379a, γ 130, ζ 76a, 187a, o 90a, 295.
x praefatio
de codicibvs litteris minvscvlis conscriptis
T. W. Allen catalogum instruxit codicum lxxv,3 quorum lxiv ipse
viderat; quot totos contulerit, non liquet. Lectiones partim suo la-
bore collegit, partim ex aliorum relationibus; quibus digestis fami-
lias sibi visus est cognoscere septemdecim, et in editione Oxon-
iensi fere semper ad familias suas refert, non ad singulos libros.
Eae familiae tamen nullae sunt,4 ea editio paene inutilis, cum vix
umquam certiores faciat, quinam libri lectiones quasque prae-
beant. Ne eis quidem quae clarius asseverat editor confidenter niti
licet, cum saepius appareat, eum schedas suas confudisse.
Prorsus aliter rem egit H. van Thiel, qui e libris vetustioribus
melioribusque undeviginti elegit ut denuo conferrentur, undecim
constanter citat. At nimis angustum sibi proposuit apparatum,
papyrorum lectionibus parum studuit, de grammaticis antiquis
sententias mirum quam perversas professus est. Bene fecit, quod
sigla Allenianis simpliciora induxit, quae plerumque Ludwichiana
sunt quaeque ego absque paucis recepi. Quod ad recensionem
attinet, similiter rem gessi, at mihimet videntur octo codices fere
semper sufficere ut lectiones captemus sinceriores. Hos ipse per
imagines contuli, hos constanter cito; aliorum notitiam si quando
adduco, editionibus debeo Ludwichii Allenii Thielii.
A saeculis decimo et undecimo testes habemus hos:
gO = cod. Oxon. Barocc. 50, ca. annos 920–930 conscriptus.
Inter multa miscellanea continet excerpta ex Odyssea duo brevis-
sima: (f. 201r) o 20–27; (f. 201v) ι 502–505.
gV = Gnomologium Athoum, cod. Vatopedianus 36, saec. xi
med. Continet praeter alia versus excerptos ex Iliade (ff. 110r–120r)
et Odyssea (ff. 133v–139r). Codicem accurate excussit versusque
Homericos descripsit Persephone Pagonare-Antoniou, Οι κώδικες
Athous Vatop. 36 & Marc. gr. 507. Το Ομηρικό τμήμα (Athenis
3 T. W. Allen, The Text of the Odyssey, Papers of the British School at
Rome V(1) (Londinii 1910). Addendus: Grottaferrata, Biblioteca della Ba-
dia greca, Crypt. z.α.xxvi (saec. xiii), qui γ 162 – τ 497 continet (Pontani,
Sguardi 225–228).
4 Cf. N. Tachinoslis, Handschriften und Ausgaben der Odyssee (Studien
zur klassischen Philologie 13, Francofurti ad Moenum 1984), 5–48.