Kreol Morisien. Ki pase la? Bann lavantir Vanessa ek Leo. Liv profeser. Grad 4. Volim 1 PDF
Preview Kreol Morisien. Ki pase la? Bann lavantir Vanessa ek Leo. Liv profeser. Grad 4. Volim 1
Ki pase la? Bann lavantir Vanessa ek Leo Grad 4 volim 1 Younit Kreol Morisien (i) Panel redaksion Kordonater Daniella Bastien Younit Kreol Morisien, MIE Asistan kordonater Dr Nita Rughoonundun-Chellapermal Younit Kreol Morisien, MIE Manb Kashmeera Bhurtun Pascal Desveaux Chetra Sharma Mandhub Ahad Mungralie Selvavadee Pakkiri Swadesh Singh Seeruttun Jean-Noël Jolicoeur (Rodrig) Remersiman Pascale Siew, direktris Editions VIZAVI pou lotorizasion servi personaz Tikoulou Henry Koombes pou bann ilistrasion Tikoulou Sameer Kaudeer depi Reef Conservation POV ek Graphic Press pou lotorizasion servi enn paz dan liv Ile Maurice, quel plaisir Ilistrasion, maket ek miz-an-paz: Isstiac Gooljar ISBN : 978-99949-37-50-9 (ii) Prefas Mo ena gran plezir prezant zot sa nouvo liv Ki pase la? pou klas Grad 4. Lintrodiksion Kreol Morisien dan sistem skoler primer Repiblik Moris an Zanvie 2012, li enn eleman inedi ki finn rapidman transform boukou kiksoz dan sekter ledikasion ek an partikilie rapor ki nou ena avek bann lang. Plizier reform finn anklanse resaman, ek lansegnman Kreol Morisien antan ki size opsionel se enn letap fondater dan prosesis rekonesans bann pratik sosial ek kiltirel dan nou pei. Antan ki lang maternel mazorite sitwayen Repiblik Moris, prezans Kreol Morisien dan lekol permet repar enn ditor ki ti finn koze par so labsans dan nou sistem edikatif. Konsiderasion vizavi lang Kreol Morisien finn evolie rapidman depi ki li finn gagn enn rekonesans institisionel. Zordi nou trouve ki zanfan pe kapav aprann de manier efikas zot lang maternel, dan zot lang maternel ek lor zot lang maternel. Depi ki Minis Ledikasion ti pran desizion pou introdir Kreol Morisien dan lekol an 2009, Mauritius Institute of Education, antan ki institision pedagozik responsab formasion profeser ek devlopman curriculum, finn mobiliz tou bann mwayen ek resours neseser pou permet realizasion sa proze-la. MIE finn ouver enn Younit Kreol Morisien an 2011, ek sa younit-la finn form bann profeser ki pe ansegn sa size-la dan lekol. Li finn ousi prodir enn seri materyel inovan an term konsepsion ek lapros pedagozik ki tenir kont realite lingwistik, kiltirel ek kontextiel bann zanfan. Sa materyel-la prezant mem karakteristik koerans, riger ek kreativite ki bann presedan. Progresion swiv enn ritm alafwa regilie ek adapte pou bann zanfan sa laz-la. Li kler ki Ki pase la? pe ranpli so fonksion pedagozik avek efikasite. Bann zelev ki pe aprann Kreol Morisien dan lekol pe ogmant ek aprofondi zot kapasite langazie; zot pe fer lakizision boukou konsep fondamantal. Zot pe devlop enn konfians dan zot kapasite aprann ek zot santi zot bien alez dan lekol. Fose ant lakaz ek lekol finn bien retresi. Maniel Ki pase la? pou Grad 4 pa mank okenn bann eleman ki fer lansegnman enn lang maternel telman kapital dan devlopman lintelizans ek devlopman langaz bann zanfan. Notaman, lansegnman gramer Kreol Morisien pran enn plas inportan dan sa liv-la, enn eleman ki pou permet bann zanfan aprann lezot langaz lekol avek plis konfians. Mo swet zot boukou sikse ek bon van pou sa lane Grad 4. Dr O. Nath Varma Direkter Mauritius Institute of Education (iii) (iv) Enn ti parol avan koumanse Sa fer deza trwa-z-an depi ki to pe aprann Kreol Morisien dan lekol. Azordi, to konn lir ek ekrir dan sa lang-la. To bann kamarad, Vanessa ek Leo, finn grandi ansam avek twa ek depi de-z-an to pe swiv zot bann lavantir avek boukou lintere. Anrout, to finn ousi zwenn Tizan ek Tikoulou. Sa lane-la to pou devlop plis to kapasite lir ek ekrir se ki pou permet twa vinn enn lekter otonom. Pou sa, to pou ena lokazion lir boukou text dan sa liv-la. Enn pratik lektir regilie, samem pou permet twa metriz lektir diferan tip text. Dan sa volim-la, to pou dekouver plizier zistwar ek to pou aprann bann nouvo kiksoz lor lekol, lor lamer ki alafwa bizin proteze ek ousi ki kapav enn danze pou dimounn. To pou ousi dekouver bann servolan ki ena dan Moris. Dan sak sapit sa volim-la to pou dekouver inpe plis lor Rodrig ek sirtou partikilarite Kreol Rodrige. Anfin, ansam avek Vanessa ek Leo, to pou al fer enn vwayaz dan enn lot pei… Nou espere ki to pou apresie to klas Kreol Morisien ankor plis ek nou swet twa boukou sikse pou sa katriem lane-la. Lekip redaksion (v) L a l f a b e K r e o l M o r i s i e n a b c d [a] [be] [se] [de] alfabet bef CD delo e f g h [e] [ef] [ge] [he] elikopter fourset geyt horni i j k l [i] [dʒe] [ka] [εl] ibou jip kiosk lipie (vi) L a l f a b e K r e o l M o r i s i e n m n o p [εm] [εn] [o] [p] matla nik omlet poul q r s t u [ky] [εr] [εs] [te] [y] Enn nom prop Quentin ros sat tamarin u-turn v w x y z [ve] [we] [iks] [je] [zεd] 8 ver wit x-ray yoyo zetwal (vii) Sinbol Deskripsion bann sinbol Mo ekoute Mo dir / Mo explike Mo diskite Mo aprann Mo ekrir Mo kolorye Mo souligne Mo antoure Mo met rayt / lakrwa Mo fer koresponn bann mo Mo fer koresponn mo ek zimaz Mo remet an-ord (viii)
The list of books you might like
