Kreol Morisien. Ki pase la? Bann lavantir Vanessa ek Leo ek lezot zistwar. Liv zelev. Grad 6. Volim 1 PDF
Preview Kreol Morisien. Ki pase la? Bann lavantir Vanessa ek Leo ek lezot zistwar. Liv zelev. Grad 6. Volim 1
liv Zele v Mo tinom : ________________ Mo sirnom : ________________ Kreol Morisien Ki pase la? Bann lavantir Vanessa ek Leo ek lezot zistwar GRAD 6 VOL IM 1 Younit Kreol Morisien i Panel Redaksion Kreol Morisien Manb Panel MAURITIUS INSTITUTE OF EDUCATION Daniella Bastien - Kordonater, Lecturer Dr (Mrs) Nita Rughoonundun-Chellapermal - Asistan Kordonater, Associate Professor Profeser Lekol Primer Ahad Mungralie Selvavadee Pakkiri Jean-Noël Jolicoeur (Rodrig) REMERSIMAN Carl de Souza Alain Donat MIZ-AN-PAZ Nicolas Bastien-Sylva ISBN : 978-99949-44-43-9 © Mauritius Institute of Education (2017) This publication is carried out on a strictly non-profit making basis and is meant to be distributed freely to students and educators by the Ministry of Education and Human Resources, Tertiary Education and Scientific Research. It is strictly prohibited to reproduce this material or use it for any other motive, unless the permission of the MIE and the Ministry of Education and HR, TE & SR is obtained in writing. ii P refas Nou ena plezir prezant ou maniel Kreol Morisien pou Grad 6. Li baze lor National Curriculum Framework Grad (NCF, 2015). Tou edikater bizin familie avek NCF ek silabus pou KM parski samem ki finn baz pou lelaborasion sa nouvo liv-la. An 2017, bann zelev Grad 6 pou pas enn nouvo lexame, Primary School Achievement Certificate (PSAC), ki pou ranplas Certificate of Primary Education (CPE). Bann maniel finn ekrir an kolaborasion avek bann edikater experimante. Nou ousi gagn fidbak ek sigzesion depi enn bon nonb lezot edikater ki nou pran an kont pandan lekritir enn maniel. Dan sa version-la, ki adrese a bann profeser, MIE pe fourni boukou informasion ek sigzesion ki kapav servi ou pou ou fer ou klas. Bann maniel ousi disponib dan form Flipbooks lor sit MIE (www.mie.ac.mu). Kapav ouver zot lor ninport ki laparey portab ek kapav ousi telesarz zot dan version PDF. Sa bann version anlign la pou permet paran ek gran piblik aksed a bann maniel ek konpran ki manier pe ansegn zot zanfan dan klas. Ou pou ousi remarke ki bann liv ena bann ilistrasion ek explikasion detaye. Se pou ki zelev pran enn vre plezir ar aprann. Sa swa-la vinn depi bann prinsip pedagozik modern me ousi depi bann bezwin bann nouvo zenerasion zelev. Nou finn gard an-tet ki enn liv bizin akeyan pou enn zanfan anvi servi li pou aprann. Prodiksion maniel skoler, se enn prosesis kolaboratif e nou remersie tou dimounn ki finn kolabor dan sa proze-la, kouma bann redakter ek manb panel ek bann grafist. Nou ousi swet tou zelev Grad 6 enn lexperyans laprantisaz ki agreab ek boukou sikse dan nouvo lorganizasion skolarite. Dr O. Nath Varma Direkter, MIE Oktob 2016 iii Enn ti parol avan koumanse Bienveni dan Grad 6! Se to dernie lane primer e nou espere ki to finn gagn enn zoli parkour pandan sa sink lane ki finn pase la. Sa lane-la ena enn nouvo lorganizasion skolarite e to pou pas alafin lane lexame PSAC. Sa dernie lane primer la pe ousi mark lafin enn sikl pou twa. Lane prosenn to pou rant dan kolez e to pou kontign to lavantir dan aprann nouvo kiksoz. Nou espere ki to deza enn bon lekter e ki to pou kontigne devlop sa konpetans-la. Dan sa liv-la, nou pe propoz twa ankor text ki pou alimant to kreativite ek to limazinasion. To pou ousi gagn lokazion apresie bann konpreansion oditif ki pou devlop to kapasite ekoute. Bann leson gramer finn prezante touzour avek enn text explikatif pou ki to ariv metriz so bann konsep. Dan sa maniel-la, nou finn met laksan lor bann kestion ki to poze. Ki travay to anvi fer? Kifer ena otan zetwal dan lesiel? Ki manier gagn enn leklips? Nou finn anvi, atraver bann lavantir Vanessa ek Leo, fer twa konpran ek rezonn lor bann zafer ki antour twa. Nou paz lor Rodrig pou fer twa konpran plis varyete Kreol ki koze laba. Nou sir ki asterla to kapav lir avek fasilite Kreol Rodrige. Anfin, nou espere ki Kreol Morisien pa finn enn pwa siplemanter pou twa me ki li finn kontribie pou fer to lexperyans lekol vinn plis agreab. Nou espere ousi ki laprantisaz to langaz maternel finn donn twa plis konfians dan tomem e finn permet twa devlop bann kapasite ek konpetans ki pe ed twa dan lezot size. Nou swet twa enn zoli lane! Lekip redaksion iv Enn ti parol avan koumanse Somer SAPIT 1 Bann metie Paz 1 - paz 44 SAPIT 2 Fenomenn lanatir Paz 45 - paz 88 SAPIT 3 Liniver ek so sekre Paz 89 - paz 126 v
The list of books you might like
