Isangyaw ang Akong Ebanghelyo

293 Pages·2006·3.14 MB·Tagalog

by  Margie S Cordova

Usa ka Giya sa Misyonaryo nga Pangalagad
“I ”
sangyaw ang Akong Ebanghelyo
(D&P 50:14)
“Paghinulsol, kamong tanan nga mga lumulupyo sa yuta, ug duol ngari
kanako ug magpabunyag diha sa akong ngalan, aron kamo mahimo nga
pagasantoson pinaagi sa pagdawat sa Espiritu Santo” (3 Nephi 27:20).
Pangalan:
Misyon ug mga Petsa sa Pagserbisyo:
Lista sa mga Erya:
Mga Kompanyon:
Mga Pangalan ug mga Address sa mga Tawo nga Nabunyagan ug Gikumpirmahan:
“Isangyaw ang
Akong Ebanghelyo”
(D&P 50:14)
Gimantala sa Ang Simbahan ni Jesukristo sa mga Santos sa Ulahing mga Adlaw
Dakbayan sa Salt Lake, Utah
Tabon: Si Juan Bautista Nagbunyag ni Jesus© 1988 ni Greg K. Olsen
Sa maayong kabubut-on sa Mill Pond Press ug ni Dr. Gerry Hooper. Ayaw kopyaha.
© 2004 sa Intellectual Reserve, Inc.
Ang tanang mga katungod gigahin
Giimprinta sa Tinipong Bansa sa Amerika.
Pagtugot sa Iningles: 11/04
Pagtugot sa paghubad: 11/04
Hubad sa Preach My Gospel
Cebuano
36617 853
“Isangyaw ang
Akong Ebanghelyo”
(D&P 50:14)
Mensahe sa Unang Kapangulohan . . . . . . . . . . . . . . . . . . . . . . . . . . . . . . . . . . . . . .v
Pasiuna: Unsay Akong Buhaton Aron Magamit Nako Pag-ayo ang
“Isangyaw ang Akong Ebanghelyo”? . . . . . . . . . . . . . . . . . . . . . . . . . . . . . . . . . . . . . .vii
1 Unsa May Akong Katuyoan isip usa ka Misyonaryo? . . . . . . . . . . . . . . . . . . . . . . .1
2 Unsa May Akong Buhaton Aron Epektibo Akong
Makatuon ug Makapangandam sa Pagtudlo? . . . . . . . . . . . . . . . . . . . . . . . . . . . . .19
3 Unsa May Akong Tun-an ug Itudlo? . . . . . . . . . . . . . . . . . . . . . . . . . . . . . . . . . . . .33
•Leksyon 1: Ang Mensahe sa Pagpahiuli sa Ebanghelyo ni Jesukristo . . . . . . . . .36
•Leksyon 2: Ang Plano sa Kaluwasan . . . . . . . . . . . . . . . . . . . . . . . . . . . . . . . . . .55
•Leksyon 3: Ang Ebanghelyo ni Jesukristo . . . . . . . . . . . . . . . . . . . . . . . . . . . . . .70
•Leksyon 4: Ang mga Kasugoan . . . . . . . . . . . . . . . . . . . . . . . . . . . . . . . . . . . . . . .83
•Leksyon 5: Mga Balaod ug Mga Ordinansa . . . . . . . . . . . . . . . . . . . . . . . . . . . . .96
4 Unsaon Nako Pag-ila ug Pagsabut ang Espiritu? . . . . . . . . . . . . . . . . . . . . . . . . .105
5 Unsa Ang Papel [Role] sa Basahon ni Mormon? . . . . . . . . . . . . . . . . . . . . . . . . . .123
6 Unsaon Nako Pagpalambo og mga Hiyas nga Sama kang Kristo? . . . . . . . . . . . .139
7 Unsaon Nako nga Mas Makakat-on sa Pinulongan sa Akong Misyon? . . . . . . . . .153
8 Unsaon Nako Paggamit ang Panahon sa Maalamong Paagi? . . . . . . . . . . . . . . .165
9 Unsaon Nako Pagpangita og Mga Tawo nga Katudloan? . . . . . . . . . . . . . . . . . .189
10 Unsaon Nako Pagpalambo ang Akong mga Kahanas sa Pagtudlo? . . . . . . . . . . .213
11 Unsaon Nako Pagtabang ang mga Tawo nga
Mohimo ug Motuman sa mga Pasalig? . . . . . . . . . . . . . . . . . . . . . . . . . . . . . . . . .237
12 Unsaon Nako Pag-andam ang mga
Tawo alang sa Bunyag ug Pagkumirma? . . . . . . . . . . . . . . . . . . . . . . . . . . . . . . . .247
13 Unsaon Nako Pagpakigtambayayong sa mga
Lider sa Stake ug Ward? . . . . . . . . . . . . . . . . . . . . . . . . . . . . . . . . . . . . . . . . . . . . .259
Indeks . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .273
iii

Mensahe sa Unang Kapangulohan
Minahal nga Kaubang Misyonaryo:
Daygon ka namo sa maanindot nimo nga kahigayunan nga mamahimong
usa ka misyonaryo. Walay labaw ka maagnihon nga trabaho kay niini, ni
bisag unsa nga mas makahatag og mas dako nga katagbawan.
Ang “Isangyaw ang Akong Ebanghelyo” gihimo aron sa pagtabang
kanimo nga mahimong mas andam, mas hingkod nga misyonaryo sa
espirituhanong paagi ug usa ka mas maagnihon nga magtutudlo. Kami
nag-awhag kanimo sa paggamit niini matag adlaw sa imong personal ug
uban sa kompanyon nga pagpangandam, ug sa inyong mga district
meeting ug mga zone conference. Tun-i ang gitudlo nga mga kasulatan ug
pagkat-on sa mga doktrina ug mga baruganan.
Gidasig ka namo sa pagbarug sa usa ka gipadak-an nga pasalig sa pag-abag
sa atong Amahan sa Langit sa Iyang mahimayaon nga buluhaton. Ang kada
misyonaryo adunay importante nga tahas sa pagtabang “sa pagpahinabo sa
pagka-imortal ug kinabuhing dayon sa tawo”(Moises 1:39).
Ang Ginoo mohatag og ganti ug mopanalangin nimo pag-ayo samtang
ikaw mapainubsanon ug mainampoon nga moalagad Kaniya. Labaw nga
kalipay ang naghulat kanimo kaysa imo nang nasinati samtang ikaw
magserbisyo uban sa Iyang mga anak.
Ang Unang Kapangulohan
v

iuna
Pasiuna: Unsay Akong Buhaton Mubo nga mga Sulat
Aron Magamit Nako Pag-ayo ang
“Isangyaw ang Akong Ebanghelyo”?
“Isangyaw ang Akong Ebanghelyo”
Gamita ang “Isangyaw ang Akong Ebanghelyo”
aron sa pagtubag sa imong mga panginahanglan
isip misyonaryo. Mahimong igugol nimo ang usa
ka tibuok sesyon sa pagtuon diha sa pipila lamang
ka mga paragrap—o ba hinoon sa tibuok hugna
[chapter]. Mahimo ka nga motuon sa mga hugna sa
sunod-sunod nga paagi o magplano og lain nga
han-ay nga kanang mas makatubag sa imong mga
panginahanglan. Kini nga pagkamaangay-angayon
nagtugot kanimo nga makatuon sa unsay imong
gikinahanglan sa tukma nga panahon ug sigun sa
gitudlo sa imong mission president.
Ang tanang mga hugna sa “Isangyaw ang Akong
Ebanghelyo” motabang kanimo nga makatuman sa
imong katuyoan isip usa ka misyonaryo. Hinoon,
samtang ikaw magsugod sa pagtuon sa hugna 3, imong mabantayan nga lahi ang paagi
niini. Kasagaran sa mga hugna gipuntirya diha ninyong mga misyonaryo. Ang hugna 3
gipuntirya ngadto sa katawhan sa kinatibuk-an. Imong makat-onan ang mga doktrina diha
sa hugna 3 (a) aron sa paglig-on sa imong kaugalingong kahibalo ug pagpamatuod sa
ebanghelyo ug (b) aron sa pagtudlo sa uban ug sa pag-andam kanila nga mohimo ug
motuman sa mga pasalig ug mga pakigsaad.
Ang mga doktrina nga anaa sa ubang mga hugna mahimong makatabang usab kanimo
sa pagtudlo sa mga investigator ug bag-o nga mga miyembro. Sama pananglitan, sa
hugna 4, ang “Unsaon Nako Pag-ila ug Pagsabut ang Espiritu?” mahimong makatabang
kanimo sa pagtudlo sa pipila ka mga investigator kabahin kon unsaon pag-angkon og
pagpamatuod pinaagi sa gahum sa Espiritu Santo. Sa hugna 5, ang “Unsa ang Papel sa
ang Basahon ni Mormon?” mahimong makatabang kanimo sa pagsulbad sa mga kabalaka
[concern] sa usa ka investigator kabahin sa pagbasa sa Basahon ni Mormon. Ang mga
ideya gikan sa hugna 2, ang “Unsa May Akong Buhaton Aron Epektibo Akong Makatuon
ug Makapangandam sa Pagtudlo?” mahimong makatabang sa bag-o nga mga kinabig
[converts] nga makaangkon og labaw pa gikan sa ilang pagtuon sa Basahon ni Mormon.
Ang “Isangyaw ang Akong Ebanghelyo” nagpokus sa mga sukaranan sa misyonaryo nga
buhat. Dili kini motubag sa matag pangutana o sitwasyon nga imong masugatan. Kon
kamo mosunod sa Espiritu, magsiksik sa mga kasulatan, motuman sa mga kasugoan, ug
mobuhat sa imong nakat-onan, mahimo kang mas epektibo.
Tun-i ang mga hugna hangtud sa pagkahuman sa imong misyon. Gamita ang unsay
imong makat-onan. Timbang-timbanga ang imong trabaho. Ang mga misyonaryo kinsa
maningkamot sa pag-andam sa ilang kaugalingon kada adlaw ug maninguha nga
molambo sa kanunay makadawat ug direksyon gikan sa Espiritu Santo ug makakita og
mga panalangin sa ilang kinabuhi.
vii
Pasiuna
Mubo nga mga Sulat Ang mga Leksyon sa Misyonaryo
Mahimo kamong mag-agad-agad sa pagtudlo sa mga leksyon sa bisan unsang paagi
nga makatabang pag-ayo sa mga tawo nga hingpit nga makapangandam alang sa ilang
bunyag ug pagkumpirmar. Ang inyong katuyoan dili lamang ang paghurot sa materyal;
kon dili ang pagtabang sa uban nga makaduol kang Kristo pinaagi sa hugot nga pagtuo
kang Jesukristo, makahinulsol, mabunyagan, makadawat sa gasa sa Espiritu Santo, ug
makalahutay hangtud sa katapusan. Panagsa ra gyud kaayo nga ang usa ka leksyon
molapas og 45 minutos. Inyong mabantayan nga aduna lamang kamo’y mubo o kadiyot
nga panahon para sa pagtudlo. Niining kasoha, posible nga magkinahanglan kamo nga
mobisita og kadaghan apan kadiyot nga pagtudlo nga ginagmay-gagmay nga mga bahin
sa materyal.
Mahimo ninyong itudlo ang leksyon sa daghang mga paagi. Unsa nga leksyon ang
inyong itudlo, kanus-a kini ninyo itudlo, ug kon unsa kadugaya kini ninyo itudlo
madeterminar kini pag-ayo pinaagi sa mga panginahanglan sa investigator ug sa
direksyon sa Espiritu. Ayaw memoryaha ang tibuok leksyon.
Personal nga Pagtuon, Pagtuon kauban ang Kompanyon,
mga District Meeting ug mga Zone Conference
Ang epektibo nga pagtuon panahon sa imong misyon makatabang kanimo sa pagkab-
ot sa imong [inyong] tumong isip misyonaryo ug sa paglig-on sa imong pagpamatuod
[testimony] sa ebanghelyo ni Jesukristo. Upat sa imong pinaka importante nga mga
kahigayunan sa pagtuon mao ang personal nga pagtuon, pagtuon kauban ang
kompanyon, mga district meeting, ug mga Zone Conference. Ang imong adlaw-adlaw
nga iskedyul naglakip sa oras para sa personal nga pagtuon ug pagtuon kauban ang
kompanyon matag adlaw.
Inadlaw nga Iskedyul sa Misyonaryo*
6:30 a.m. Mobangon, mag-ampo, mag-exercise (30 minutos), ug mangandam para nianang adlawa.
7:30 a.m. Pamahaw.
8:00 a.m. Personal nga pagtuon: ang Basahon ni Mormon, ubang mga kasulatan, mga
doktrina sa mga leksyon sa misyonaryo, ug uban pang mga hugna gikan sa
“Isangyaw ang Akong Ebanghelyo.”
9:00 a.m. Pagtuon kauban ang kompanyon: ipaambit ang imong nakat-onan panahon sa personal
nga pagtuon, pangandam sa pagtudlo, pagpraktis sa pagtudlo, pagtuon sa mga hugna
[chapters] gikan sa “Isangyaw ang Akong Ebanghelyo,” kumpirmaha ang mga plano
nianang adlawa uban sa imong kompanyon.
10:00 a.m. Sugod sa pag-proselayt. Ang mga misyonaryo nga nagkat-on og pinulungan o
linggwahi magtuon nianang mao nga pinulongan sulod sa dugang nga 30 ngadto sa 60
minutos, lakip na ang pagplano og mga kalihokan sa pagkat-on sa pinulongan nga
gamiton sulod nianang adlawa.
Ang mga misyonaryo mahimong mokuha og usa ka oras alang sa pagpaniudto ug
dugang nga pagtuon, ug usa ka oras usahay alang sa pagpanihapon sulod sa usa ka
adlaw nga pinakamaayong mohaum sa ilang panahon sa pag-proselayt. Kasagaran ang
pagpanihapon dili molapas sa alas 6:00 p.m.
9:00 p.m. Pauli sa apartment (gawas kon nagtudlo og leksyon; dayon pauli sa dili pa mag-alas
9:30) ug planoha ang mga kalihokan para sa sunod adlaw (30 minutos). Pagsulat sa
journal, andama ang higdaanan, pag-ampo.
10:30 p.m. Matulog na.
* Pinaagi sa pagkonsulta sa Kapangulohan sa Seventy o sa Area Presidency, ang imong mission president
mahimong mousab niini nga iskedyul aron sa pagtubag sa lokal nga mga kahimtang.
viii