Table Of Content

An XCIII Strolic Furlan par cure di Gloria Angeli Redatôr:Gloria Angeli Responsabil pe grafie: Monica Tallone Diretôr Responsabil: Giuseppe Bergamini Segretarie di redazion: Elena De Sanctis Fotografiis: dutis lis fotografiis a son stadis dadis dai atletis, o ben des lôr fameis Grafiche e Stampe: Tipografie Moro Andrea - Tumieç ©2012 - Societât Filologjiche Furlane via Manin, 18 - 33100 Udin - Italie tel. 0432.501598 fax 0432.511766 [email protected] www.filologicafriulana.it ISBN 978-88-7636-147-0 2012 de vignude di Crist Il 2012 al rispuint al 6725 dal Circul Julian al 2765 de fondazion di Rome al 5772 dai Ebreus al 1433 dai Maometans al 1390 dai Persians al 2193 de fondazion di Aquilee al 935 dal Stât patriarcjâl furlan al 66 de Republiche taliane 3 2012 de vignude di Crist Fiestis che a cambin la Cinise (22 di Fevrâr) il miercus denant de prime domenie di Coresime la Domenie Ulive (1 di Avrîl) Pasche di Ulîf (8 di Avrîl) la prime domenie dopo dal pleniluni dal ecuinozi de vierte la Sense di Nestri Signôr (20 di Mai) 40 dîs dopo de Resurezion lis Pentecostis (27 di Mai) 50 dîs dopo de Pasche di Ulîf il Corpus Domini (10 di Jugn) Fiestis di precet dutis lis domeniis il Prin dal an S.me Mari dal Signôr la Pifanie (6 di Zenâr) Pasche Tafanie la Madone di Avost (15 di Avost) la Assunzion in cîl di Marie Vergjine Fieste dai Sants (1 di Novembar) Pasche dai Muarts la Madone Inmacolade (8 di Dicembar) Nadâl dal Signôr (25 di Dicembar) 44 22001122 ddee vviiggnnuuddee ddii CCrriisstt Fiestis talianis la Liberazion (25 di Avrîl) la Fieste dal Lavôr (1 di Mai) la Istituzion de Republiche (2 di Jugn) Ricorincis furlanis Riviel dal Carnavâl dal 1511 (27 di Fevrâr) la joibe grasse Aprovazion de leç 15 dal 1996 (22 di Març) Ricognossiment regjonâl de lenghe furlane Costituzion dal Stât Patriarcjâl intal 1077 (3 di Avrîl) Fieste de Patrie dal Friûl Aniversari dal Taramot dal 1976 (6 di Mai) Aniversari de muart dal Patriarcje Bertrant intal 1350 (6 di Jugn) Sants Ermacure e Fortunât, Patrons dal Friûl (12 di Lui) Sant Martin Vescul (11 di Novembar) Aniversari de fonde de Filologjiche intal 1919 (23 di Novembar) Sante Catarine di Alessandrie (25 di Novembar) Presentazion dal Strolic Furlan Sante Luzie (13 di Dicembar) Aprovazion de leç 482 dal 1999 (15 di Dicembar) Ricognossiment statâl de lenghe furlane 55 22001122 ddee vviiggnnuuddee ddii CCrriisstt Preambul Dopo di vê inviât il nestri viaç “butantle in musiche”, chest an o vin pensât di lâ indenant frontant un argoment di caratar sociâl cun chê no dome di fâ cognossi ma ancje, salacor, di judâ inte integrazion une realtât de nestre societât che e merete la sô juste considerazion. O stin fevelant di dutis chês personis che, par resons diferentis, a àn capacitâts e abilitâts diviersis rispiet a la plui part de popolazion e che si son distintis pai lôr grancj risultâts tal sport. Si trate dai atletis diviersamentri abii che, ognidun te sô dissipline, a svantin vitoriis impuartantis sedi a nivel nazionâl che internazionâl. I atletis che o cjatarês mês par mês sul Strolic nus son stâts segnalâts des federazions sportivis e in mût particolâr dal C.I.P. (Comitât Talian Paralimpic) e dal Special Olympics 6 Preambul International (S.O.I.). Stant che i campions segnalâts a son tredis, no vin vût cûr di lassânt fûr un e cussì o vin pensât di metint doi tal mieç dal an, o ben tal mês di Jugn. Ogni atlete al vûl jessi rapresentatîf sedi par ducj chei altris che a son za a un bon nivel agonistic, sedi par chei che si stan alenant par continuâ su chê strade. Dongje de biografie di ogni campion o cjatarês ancje la descrizion de associazion sportive che ur à dât la sô poie. Prime di tacâ però o vin pensât di dâus une descrizion des federazions che a son a cjâf di chestis ativitâts sportivis, in mût di vê un cuadri il plui complet pussibil cuant che o larês a discuvierzi i diviers campions. Cun di plui chest an o vin l’onôr di vê un scritôr sportîf une vore innomenât che nus presente il Strolic: si trate dal grant Bruno Pizzul. Infin, come simpri, dongje di contis, poesiis e altris tescj, no puedin mancjâ lis barzaletis che nus fasaran compagnie ogni mês cul umorisim di un espert de barzalete par furlan o ben Sdrindule, ven a stâi Ermes Di Lenardo. O sieri ricuardant che il 2012 al è un an impuartant pal sport par vie che a son Lis Olimpiadis di Londre e il Campionât Mondiâl I.N.A.S.F.I.D. (Federazion Sportive Internazionâl pai Disabii Inteletîfs) di schi (dai 27 di Fevrâr ai 5 di Març) a Erzorum in Turchie. Sperìn alore che il 2012 al sedi un bon an siôr di grancj risultâts par ducj sedi pai letôrs dal Strolic che pai nestris campions, simpri però daûr dal spirt che al è tal zurament dal atlete Special Olympics che al dîs: “Che io possa vincere, ma se non riuscissi, che io possa tentare con tutte le mie forze“. Bon An a ducj, La Strolegante 7 Preambul Presentazion di Bruno Pizzul Sul sport de nestre epoche e je dute une sfloridure di opinions une vore negativis: masse bez, barufis, nissun rispiet par chei altris e pes regulis, nancje un che al sepi cjapâle sul ridi, si scugne vinci a ogni cost, se po tu piardis e je une disgracie che mai. Ma se ti capite di dâ une cjalade dulà che el sport lu fasin chei che, come che si use dî, e àn cualchi handicap, tu ti inacuarzis di bot che li ator no je nancje une di chês robatis contadis parsore: dome el gust di stâ insieme, el savê condividi un moment di vere fieste, la braùre di podê e savê fâ dut chel che ognidun al rive adore a cumbinâ. Metude jù cussì, si pues ben dî che el sport, par merit prin di dut des fameis e di tantis associazions di volontariat, al à savut deventâ intai ultins agns une grande ocasion par tirâ fur 8 Bruno Pizzul i “diversamente abili ”, par dîle a la taliane, dal isolament e da la solitudin dulà che une volte a jerin lassats e parfin platats. Si slargje el cur cuant che si viodin sui cjamps di zuc o tes palestris oms e feminis, zovins o plui inlà cui agns, impegnâsi in maniere estreme, simpri cuntun vel di ridade su la muse, plens di voe di fâ ben, ma atents ancje a dâ une man a chei che a son li cun lor a zuiâ e cirî di vinci, che a sedin de sô scuadre o di chê altre, contents de vitorie no tant cuintri i aversaris ma prin di dut sui limits personai. A cheste famee di sportifs particolars e brauros al è dedicat el Strolic di chest an e, adun cun lor, ai tancj oms e feminis di buine volontat che si son metuts insieme in grups e associazions par rivâ adore a judâ el svilup di cheste pratiche sportive, sul teritori furlan e no dome li: un lavoron dur e plen di ogni sorte di ostacui e dificoltats, ma ancje di chê sodisfazion che e rive cuant che si da une man par une buine cause. Ancje in chest sport si metin insieme classifichis e listis di risultats personai, si disegnin progjets individuai e di scuadre par vinci cu la juste brame e el doveros spirit sportif, ognidun metut dentri di un contest agonistic graduat su la sô inabilitat, su la base di regulis ben definidis. Ma la robe plui biele, ancje fur dal moment de competizion, e je leade al grant vivor che si manifeste tal stâ insieme, el gust di movisi in comitive per rivâ dulà che si fasin lis garis, la mirinde spartide, la biele sensazion di stâ dentri a plen titul tal mont dal sport plui ver e gjenuin, el plasê brauros di vistîsi cu la maiute e i colors de scuadre. Ancje cui che al capite par cumbinazion a dâ une cjalade a chestis garis e esibizions al reste impressionat dal spirit di partecipazion plene e complete che a trasmetin chescj atletis: biel el moment de presentazion a la americane, un par un, fur dal camarin par rivâ, come che ognidun al po, sul cjamp di gare, a cjapâsi la batude di mans di amìs, parincj, tifos 9 Bruno Pizzul