Heinrich von Neustadt, "Apollonius von Tyrland"

617 Pages·2014·1.42 MB·German

Heinrich von Neustadt, "Apollonius von Tyrland"
nach der Gothaer Handschrift, "Gottes Zukunft"
und "Visio Philiberti" nach der Heidelberger
Handschrift hrsg. v. S[amuel] Singer, Berlin 1906
(DTM 7) [Nachdruck: Dublin/Zürich 1967]
Elektronischer Text und Konzeptausdruck hergestellt für das Digitale
Mittelhochdeutsche Textarchiv (www.mhgta.uni-trier.de) und das
Mittelhochdeutsche Wörterbuch (www.mhdwb.uni-trier.de).
Hinweise zur Einrichtung des elektronischen Texts:

V. 85 Druckfehler "nnd" unkorrigiert belassen;
V. 208 im Nachdruck (und auch im Original!) schlecht zu lesen, hergestellt: "das
was";
V. 3588 Punkt hinter Komma getilgt;
V. 3932 ein Punkt nach "Milter" getilgt.
"Kleine Spatien": s. die Erläuterung dazu in der Einleitung der Ausgabe S. IX,
Ende des zweiten Absatzes:
"Wo sie [=die Trennung der Wörter] durch bloßen Schreibfehler oder
Ungeschick fälschlich da ist oder fehlt, habe ich meist ohne es anzuzeigen
emendiert; wo sie aber beabsichtigt scheint und doch von unserm gewöhnlichen
mhd. Schreibgebrauch abweicht, dieselbe durch kleinere Spatien bezeichnet."
Achtung: Möglicherweise sind etliche kleine Spatien der Ausgabe nicht
abgebildet, da sie nicht leicht zu erkennen sind.
Kodierung durch Element CHOICE
GOTTES ZUKUNFT.
P = Heidelberger Handschrift
G = Gothaer Handschrift
M = Münchener Handschrift
D = Zwei Fragmente die Verse 2037-2190, 3545-3656 umfassend, abgedruckt bei
Bartsch, Beiträge zur Quellenkunde der altdeutschen Litteratur ff.
E = Münchener Fragment
F = St. Galler Fragment
Öffnende Anführungszeichen (fälschlicherweise) wie schließende als ’ kodiert.
Letzte Änderung: 19.2.2014

Apollonius
Gottes Zukunft
Visio Philiberti
--3--

1 Der welte schancz ist wunderlich,
2 Alle tag so wechselt sy sich,
3 Wyers yelangk so lenger.
4 Der tugent steyg ist lenger
5 Worden her zu unnseren tagen:
6 Das hör ich weyse leutt sagen
7 Es muß auch furbaß ymmer wesen.
8 Ich hab an ainem puech gelesen
9 Der selben red ain geleichait,
10 Und ist doch die warhait.
11 Ein kunig hyeß Nabüchodonosor,
12 Das nach in noch ver
13 (Er trayb gewalt mit hochvartt)
14 Nie kain reicher wart.
15 Sein reichait was unmassen groß,
16 Untz das sein Got selber verdroß:
17 Do ward er so gesenckes
18 Das man sein noch gedenckes.
19 Eines nachtes es geschach,
20 Der kunig in ainem slaf sach
21 Ainen trawm, der was wunderlich,
22 Kostber und merklich:
23 Er sach an ainer sewl stan
24 Ainen guldenen man.
25 Auff des haubet schone
26 Stund von gold ain krone
27 Mit edlem gestaine.
28 Uber ain weil klaine
29 Was die brust silberein
30 (Das nam der her in seinen syn),
31 Der leib was kupfer auff die knye
32 (Der her sach ain wunder hie),
33 Pleyen warn die schuchpain
34 (Do im der trawm also erschain),
35 Die fueß warn von erden:
36 Des wundert den werden.
37 Do der herr in dangken lag,
38 Von himel kam ain donerslag
39 Der die sewl gar zertraib,
40 Das nicht da pey ainander pelaib.
41 Do sust geschach der donerslag,
42 Der herre frayßlich erschrack.
43 Auff wischett er, das er gesaß
44 Und des trawmeß gar vergaß.
45 Das ward im unmassen zorn
46 Das er den trawm het verloren.
47 Er santt weytten in die lantt,
48 Do man dy hochsten maister vantt
49 Von astronomia
50 Und von nigromancia,
51 Das sie im däten so zestund
52 Den wunderlichen trawm kund
53 Das er so hette vergessen.
54 Die maister wol vermessen
55 Sprachen ’sag uns deinen trawm.
56 Hach uns all an ainen paum,
57 Ob wir dir in nicht pedewtten
58 Vor disen frummen leutten.’
59 Der kunig west des trawmes nicht,
60 Sust kunden sie mit kainer geschicht
61 Seines trawmeß icht erkennen.
62 Do hieß er sie verprennen.

--4--

63 Den trawm pedewtet Daniel.
64 Im hette der engel Gabriel
65 Den trawm da vor gerawmt zu.
66 Was dise geschicht pedewtet nw,
67 Das will ich euch pekennen lan:
68 Auff der sewle der gulden man
69 Das ist die pluende jugentt.
70 Wan die wechsett in grosser tugent,
71 So wirt ir wol zu lone
72 Ein guldein kron.
73 Ist aber das sie sinckett
74 Und an den tugenden hinckett,
75 So wirt silber schir ir gold,
76 Darnach kupfer wirt ir sold,
77 So wirt es denne waiches pley.
78 . . . . . . . . . . . . .
79 Dem sust zu poßhait ist so gach,
80 Uud er der alles volgett nach,
81 Der mag wol schier werden
82 Zu ainer ploden erden.
83 So sein nicht mer will leyden Gott,
84 So kompt schier sein gepott,
85 Das zerstörett nnd zerprichett:
86 Allsust den zoren er richett.
87 Nw ist der trawm peschaiden.
88 Ir sult euch nicht lan laiden
89 Das ich das zwispil han gethan:
90 Es ist ain hohe gloß dar an,
91 Die gott auff aller welde kintt
92 Die nw und furpaß lebentig sint.
93 Sie gett auch gar auff ainen man
94 Von dem ich muet zu sagen han:
95 Hie mit vach ich das puch an.
96 Das puch merket sich alsus:
97 Ain kunig hieß Anthiochius.
98 Nach im wart gehaissen sa
99 Ain statt haist Anthiochia.
100 Er hett purg und die lantt.
101 Im ainer warttet zu seiner hant
102 Vil manigs ritterlichs her.
103 Es was gewaltig auff dem mer.
104 Er hett auch was er wolde
105 Von silber und von golde.
106 Im gab pey seinem leyb
107 Got pey seinem weyb
108 Das aller mynniklichiste kind
109 Das pey den zeytten oder sind
110 Von frawen ye ward geporen:
111 Es was suß und außerchorn.
112 Das mynnickleiche kindelin
113 Was ain genemes dochterlein.
114 Maister der nature
115 Hett an der figure
116 Ir nyendert nicht vergessen.
117 Sie was vil recht gemessen:
118 Von den elementen vier
119 Ward es peraittet schier.
120 Ila fabella fuit fier fer.
121 Mynne reicher manner
122 Hett das kind pesessen.
123 An im was nicht vergessen.
124 Do das kind zu jarn kam,
125 Der tod ir ire mueter nam.
126 Das kam dem vater seyt zu schaden
127 Da leib und sel ward im erladen

--5--

128 Und auch die wunniklichen magett,
129 Als euch hernach wirt gesagett.
130 Die schon magt so zu nam
131 Das sie manne wol gezam.
132 Do warb vil manig werder man
133 Umb die schonen wolgethan.
134 Kunig, fursten, ammarall,
135 Die ritten zu manigem mall
136 Ze hoffe durch die schonen magett,
137 Wann sie den leutten wol behaget.
138 Yegklicher wolt sie han pejagett
139 Mit sprengen, puhurdiren vil.
140 Manig ritterliches spil
141 Ward vor der purge vil.
142 Eines tages das geschach
143 Da von vil groß ungemach
144 Dein kunig und sein kint pesaß.
145 Der laydig tüfel das fugett das
146 Das im muet und synne
147 Stund nach der tochter mynne.
148 Fraw Mynne, das ist unrecht tan,
149 Ir seytt schuldig gar dar an:
150 Ir sullett zu rechter mynne wegen,
151 Nicht zu solher mynne stegen.
152 Macht ir den kunig also plintt
153 Das er so mynnet sein aigen kindt,
154 Das ist nicht raine mynne.
155 Ir valsche ratgebynne,
156 Ir sult nach solher mynne streben
157 Als die natur hatt gegeben
158 Und Got selber gepotten hatt.
159 Thuet solhes nit, das ist mein ratt:
160 (Psäch, Mynne, ir sult euch sere schamen̅)
161 Ir verlieset anders ewren namen̅.
162 Ir sult nicht, fraw Mynne,
163 Werden ein ketzerynne.
164 Fraw Mynne, ir seyt fru und spate
165 Ir gebt posen ratte.
166 Ir riett auch Tristrande
167 Auff Ysotten von Ir lande,
168 Seins öhaims, kunig Marcker weib,
169 Das er mynnet iren werden leib:
170 Do prach er doch sein trew an.
171 Fraw Mynne, das was ewr wan.
172 Seyt ir ein göttynne
173 Und ain kunigynne?
174 Nain zwar, ir morderynne!
175 Wie mort ir nicht Tristranden
176 Und Ysotten von Ir landen!
177 Pyramus und Tyswe,
178 Den geschach von ewren raten we.
179 Ir seyt ain ungeertes weib,
180 Ir haisset manigen stoltzen leib
181 Und gebt auch ainen schwachen.
182 Wa sach man rosen lachen?
183 Zwar, das det wan an der stat
184 Da der schamler pat
185 Ain schöne kunigynne
186 Umb ir werden mynne,
187 Die doch vil manigen was versagt
188 Der preiß vor er hett pe jagtt,
189 Den schamler ge wert ir do,
190 Der mynnet euch und ward so fro
191 Das er hupfen pegan.
192 Das sach der rosenlachender man,
193 Der lachett, das es voll rosen was
194 Perg und tal, laub und gras.
195 Fraw Mynne, ir habt noch mer getan:
--6--

196 Ir haisset ainen werden man
197 Und mynnet ainen swartzen koch.
198 Mit dem slüft ir in ain loch.
199 Do ward gepitten nit lenger:
200 Die edle frauwe ward schwanger
201 Und gewan ain kind, der eren hagel,
202 Von dem choche, der hieß Nagel.
203 Do das kind zu manne ward,
204 Das dett nach seines vaters artt.
205 Das was im doch von hertzen laidt.
206 Zu lest sagt im die warhait
207 Sein mueter, das er war geporen
208 Von Nageln. das was dem herren zoren.
209 An seinen schilt malt er den nagel:
210 Wan in rüert der schanden zagell,
211 Das er dar an gedachte
212 Und sich von schanden prachte.
213 Fraw Mynn, ir seyt ain krankes weib:
214 Ir tragt fail ewrn leib
215 Als ain gemaines freuwelein
216 (Wie mocht ir leichter gesein?)
217 Dann munichem und pfaffen,
218 Lottern, pueben und affer.
219 Wer ich euch zu maister geben,
220 Es muest sein anders ewr leben.
221 Nw lassen wir dise red pestan
222 Und heben unnser merel an.
223 Der kunig prinnund ward
224 Von mynne seiner tochter zartt.
225 Der ungert trayb dar an
226 Wie er seines kindes man
227 Haymlichen wurde.
228 Das was der sele ain purde.
229 Aines morgens, do es tagtt,
230 Grosser gelust in jagt
231 Und sein prynnunder muett
232 An ain ding, das was nit guett.
233 Die knaben hieß er fuder gan,
234 Er jach er wolt zu trachten han
235 Mit seiner tochter ainen radt.
236 Sust graiff er an der mynne stat.
237 In die kamer er sich schwaif,
238 Sein liebe tochter er pegraiff.
239 Er vergaß das er ir vatter was
240 Und ir ir muter genas.
241 Der vatter wart seines kindes man,
242 Das kind sein weyb: das ist ubel gethan.
243 Sust prach er ir der keusche strigk,
244 Die raine die verlost den sigk.
245 Der vatter der gie so von ir.
246 Zu ir kam gegangen schier
247 Ain fraw von dem kastell,
248 Ir dienerin Pynnell.
249 Sie sach die vil raynen
250 Jamerlichen wainen:
251 Fraw Pynnell ser erschrack.
252 Sie gab irem hertzen ainen slack
253 Und sprach mit laidigem muett:
254 ’Was irret euch, vil guett?’ —
255 ’Was mich irtt?’ sprach das weyb.
256 ’Mir hatt ain siechtum meinen leib
257 Newlichen undertan’.
258 Allsust wolt sy es verschwigen han
259 Durch rechte weypliche scham,
260 Und auch das es nicht enzam
261 Das vatter solhe dät
262 Mit seiner tochter hatt.
263 Pynnell die was weysse,

--7--

264 Die pegund sprechen leysse;
265 Sie deucht es war nit also:
266 An der statt sach sie do
267 Die rechten wortzaichen;
268 Pynnell pegund plaichen:
269 Pluett var was der frauwen watt.
270 ’Was ist dise misse datt?’
271 Sprach Pynnelle und sach sie an:
272 ’Fraw, ditz hatt gethan ain man.
273 Wer ist so küen ye gewesen?
274 Er mag nummer genesen
275 Von meines hern hande.
276 Er mag auß disem lande
277 Mitt kainer tist entweichen.
278 Er mueß sicherleichen
279 Lesterlichen sterben tod
280 Der ew gethan hatt dise nott.
281 Ir sult nit lenger verdagen,
282 Klaglichen ewrem vatter klagen.’
283 Die junge jammerlichen sprach
284 ’Ach! herre Gott und ymer ach!
285 Es ist also gewolben
286 Das an mir sind verdorben
287 Zwen herliche namen̅,
288 Deß ich mich pillich mueß schamen̅:
289 Ich was ain magett und vatters kind,
290 Die paide an mir verdorben sind:
291 Deß kind ich waß, des weib pin ich.
292 Herre Got, nu pitt ich dich:
293 Erlose mich von diser nott,
294 Send mir den grymmen tod!
295 Waiß Got, her Tod, ir muesset her!’
296 In der kamer lag ain sper,
297 Das nam sie schier in die handt,
298 Das hinder kertt sie zu der wand,
299 Das eysen kert sie zu ir:
300 Gegen der scherpf war ir gier,
301 Sie lieff do gegen schnell.
302 Sie pegraiff die suesse Pynnell
303 Und zuckt sie do vast wider,
304 Das sie viel auff die erden nider.
305 Sie nam sie zu den armen:
306 ’Nu mueß es Got erparmen
307 Das ich den jamer sehen soll!
308 Vil liebe fraw, nu duet so wol,
309 Gehabt euch paß dan euch sey,
310 Latt euch gute site pey
311 Wont mit gutem synne.
312 Wann wurd man sein inne,
313 Das war nicht weißlich gethan:
314 Es mocht ew an ewr ere gan.
315 Schweigt ir, so schweig auch ich.
316 Schone fraw, nu horett mich,
317 Ich will euch der warhaitt jehen:
318 Es sind ee grosser ding geschehen.
319 Latt hin gen als es gatt!
320 Sein mag gar wol werden ratt.’
321 Sust trost sie die raine
322 Und nam sie von dem wainen.
323 Nu secht zu, fraw Venus,
324 Wie habt ir gewarcht suß?
325 Ir habt ubel gethan.
326 Ye doch mueß ich den streyt lan:
327 Wan mir ist vil wol geschehen
328 Von euch, deß muß ich ymmer jehen,
329 An der sussen Melein
330 Und an frawn Kathrein.
331 Auch haimlich an maniger statt
332 Gab mir ewr hilffe guten ratt

--8--

333 Und auch vil dick gut hail.
334 Ich wil euch straffen doch ain tail;
335 Wan ir seyt gar ze milte:
336 Ir furett an ewrm schilte
337 Ain gebend auff stende hant.
338 Ewr milt wirt da mit geschant
339 Das ir den swachen werett
340 Der susser mynne nie ward wertt.
341 Den stoltzen so ir werder haben,
342 Den schwachen laßt rüben graben!
343 Do der vil ungert
344 Hett was er gertt
345 An seiner tochter hett began,
346 Do graif er newe poßhait an.
347 Wa er gestund oder gesaß,
348 Offenlich er sich vermeiß
349 Das er läg haimleich
350 Pey seiner tochter mynnikleich.
351 Noch fand er bose liste,
352 Do mit er sich friste,
353 Das die tochter pey im pelaib,
354 Die pitter auch da mit vertraib.
355 Ain frag sandt er in land:
356 Wer im die frag dett pekantt,
357 Deß solt die schone dochter sein,
358 Nach seinem leben ain kunigein.
359 Sein halbes guett pey seinem leben
360 Wolt er zu seiner tochter geben,
361 Nach seinem tod das kunigkreich,
362 Sagt er die frag gantzleich.
363 . . . . . . . . . . . . .
364 All zehand nach der geschicht
365 Schlueg man im das haubet ab,
366 Den potich trueg man zu dem grab,
367 Das haubet an die zynnen:
368 Sust galt man im sein mynnen.
369 Vil manniger werschelier,
370 Pawren und cavalir,
371 Amarel und alfaky,
372 Satrappen und mutkaly,
373 Die fursten von der haiden land,
374 Wie die waren genant,
375 Kamen zu Anthiochia.
376 Die sahen an der zynnen da
377 Werder ritter haubet vil.
378 ’Ditz ist ain poses schimpf spil’
379 Sprachen sie gemain.
380 ’Solt mir die vil rain
381 Tausent kunigkreich geben,
382 Durch sie wag ich nicht also mein leben.’
383 Doch kam dar manig ritter güt
384 Der sich daucht so gemuet
385 Von kunst und auch von munde
386 Das er gar schir funde
387 Das kuniges frag gantzlich.
388 So er dan under wand sich
389 Deß kuniges frag und vant,
390 So sprach der kunig so zehant:
391 ’Es ist nit ware das ir sagett,
392 Es wer pesser euch er verdagett.’
393 So schlug man im das haupt ab,
394 Den pottich trüg man huntz dem grab,

--9--

395 Das haupt an die zynnen,
396 Süst galt man im das mynnen.

397 Der haiden gewonhait
398 Was das sie alle ir weißhait
399 Legten an die ratt liett.
400 Wer sie der gantzlich peschied,
401 Der word gehaissen weyse,
402 Und lobten in mit preyse.
403 Nu was ain hochgeporn man
404 Nicht verre von im gesessen dan,
405 Appolonius genantt,
406 Deß kuniges sun von Tirlandt.
407 Er schueff pey kindischen tagen
408 Das man in nicht hieß ainen zagen.
409 Er was der puecher wol gelertt.
410 Er hett auch seinen sin gekertt
411 An tugent zucht; die kund er wol,
412 Und wie man frauwen dienen sol.
413 Der hörtt dise mär sagen.
414 ’Ich muß dar und preyß pejagen
415 Und auch die jungen kunigein:
416 Es mag anders nicht gesein.’
417 Das was den landthern laide
418 Das er von dem lande raidt.
419 Vatter und mueter waren
420 Tod in den zwain jaren.
421 Erben hett nicht mer das land,
422 Es warttet ain seiner handt.
423 Do ward lenger nit gespart,
424 Er richt sich schon auff die fartt.
425 Er fuertt dar zwelff ritter güt;
426 Die hetten weltlichen muet,
427 Wo man ritterschafft solte pflegen,
428 Des leybeß waren sie alle degen:
429 Vier und zwaintzigk wetschelir,
430 Die waren hubsch und zier,
431 Und zway schon kamelein,
432 Dar auff lag sawm schrein,
433 Watseck und veleßlein,