Equipos de protección individual. Guía básica

95 Pages·2011·2.166 MB·Galician

by  Conde Bóveda, Alberto (coord.), Copa Arias, María Jesús (revisión). ISSGA (Instituto de Seguridade e Saúde de Galicia), Xunta de Galicia

| EQUIPOS DE PROTECCIÓN
INDIVIDUAL
guía básica
XUNTA DE GALICIA
ISSGA
(cid:1)(cid:1)(cid:1)(cid:1)(cid:4)(cid:2)(cid:3)(cid:3)(cid:1)
Edita:
Instituto Galego de Seguridade e Saúde Laboral (ISSGA)
Coordinación:
Alberto Conde Bóveda. Instituto Galego de Seguridade e Saúde Laboral
Revisión:
Mª Jesús Copa Arias. Instituto Galego de Seguridade e Saúde Laboral
Depósito Legal: -C-- 1129-2011
Imprime: -D--ifux, S.L.
Índice

ÍNDICE
1.- Introdución 07
2.- Normativa aplicable 13
3.- Definición de equipo de protección individual 17
4.- Cando se deben utilizar os equipos de protección
individual? 21
5.- Clasificación dos equipos de protección individual 25
6.- Esixencias esenciais dun equipo de protección individual 43
7.- Obrigas sobre equipos de protección individual 47
8.- Dereitos sobre equipos de protección individual 57
9.- Programa de protección persoal 61
10.- Condicións de comercialización dos equipos de
protección individual 69
11.- Conclusións 81
12.- Anexos 85
13.- Bibliografía 91

1
Introdución

| INTRODUCIÓN
1.- INTRODUCIÓN
Aprotección das persoas traballadoras fronte aos riscos derivados do
traballo é un dos obxectivos principais da normativa en prevención de
riscos laborais.
A Lei 31/1995, do 8 de novembro, de prevención de riscos laborais, ten
por obxecto promover a seguridade e saúde dos/as traballadores/as e regular
as actuacións mínimas que cómpre desenvolver por parte do empresariado
e persoal traballador nesta materia.
Un dos principios básicos de acción preventiva desenvolvidos por esta lei
é “combater os riscos na orixe”, pero isto non sempre se consegue e o/a tra-
ballador/a ten que entrar en estreito contacto con situacións de risco, polo
que, en ocasións, é necesario adoptar outro tipo de medidas, como poden
ser as individuais.
Con todo, hai que considerar outro dos principios de acción preventiva:
“adoptar medidas que antepoñan a protección colectiva (aquela que protexe
simultaneamente máis dunha persoa) á individual (aquela que protexe ex-
clusivamente o/a traballador/a que a utiliza)”.
En resumo, o principio xeral de actuación preventiva establece que,
cando non é posible eliminar nin minimizar de xeito suficiente un risco, hai
que recorrer a proteccións colectivas, e só se non hai máis remedio está
xustificado recorrer a proteccións individuais.
No entanto, cómpre dicir que a transcendencia da protección individual
para a prevención de riscos laborais ten unha importancia crucial e é unha
parte importante da estratexia de seguridade que se aplica nas empresas,
pois protexe o/a traballador/a fronte a riscos cos que, doutra forma, estaría
en contacto directo.
Un equipo de protección individual (EPI) nunca elimina, nin tan sequera
controla, unha situación de risco. O control das situacións de risco só se
consegue implantando os medios que impidan a presenza de riscos no
posto de traballo e os EPI unicamente reducen ou eliminan as consecuencias
persoais ou lesións que este poida provocar no/na traballador/a.
A maior parte das actividades que a persoa traballadora desempeña
poden requirir da utilización dun EPI, polo que existirá un EPI adecuado a
cada unha das tarefas que implique riscos.
| guía básica| EQUIPOS DE PROTECCIÓN INDIVIDUAL | 9