Table Of Content

एक सांज अमुरपिकी (नाटक) hia - अशोक कामत अशोक कामत 1 Ek Sanj Amurpikee A Drama in Konkani by Ashok Kamat एक सांज अमुरपिकी © अर्चना कामत पयली छापणावळ - 2007 प्रकाशन क्रमांक - 13 उजवाडावपी अशोक कामत कुडचडें गोंय फोन - 2650335 अक्षर जुळोवणी अर्चना - अशोक छापपी बांदेकार ऑफसेट कुडचडें मुखचित्र - ममता वळवयकार मो. 9823994585 मोल - 24/- रुपया * हें पुस्तक गोवा कोंकणी अकादेमीचे कोंकणी/तियात्र/मांड येवजणेखाला छापलां. * हें नाटक माचयेर हाडपाक मेकळीक आसतली पूण लेखकाची पूर्व परवानगी घेवची पडटली. एक सांज अमुरपिकी 2 डॉ. मनोहररायांक - अशोक कामत अशोक कामत 3 एक सांज अमुरपिकी ह्या नाटकाचो पयलो प्रयोग कला अकादमीचे सर्तीत १९८६-८७ ह्या वर्सा ऑपन एअर ऑडिटोरियम, पणजी हांगा जालो. नाटकांत काम करपी कलाकार अशे आशिल्ले, कलाकार भगवंत - वसंत भगवंत सावंत दोतोर - अशोक एन्‌. नायक पार्वती - अमिता नायक निलेश - लक्ष्मीकांत नायक शंकर - जयेश नायक कुटूबाब - अशोक एस्‌. नायक श्रीपाद - ज्ञानेश्‍वर शिरोडकार दिनेश - शशिकांत पां. नायक दिग्दर्शक - भरत नायक नेपथ्य - दिलीप नायक आवाजा येवजण - अशोक जी. नायक वेवस्थापन - दिनेश मणेरकार एक सांज अमुरपिकी 4 आमोरी अमुरपिकी पयलो अंक (अंकाचो पट्टो वयर सरतकच जाळयेचो पड्डो दिसता. त्या पड्ड्याफाटल्यान मध्यम उजवाड दिसता. त्या उजवाडांत भगवंतबाबाल्या घराचें साल दिसता. भायर आकांताचो पावस पडटा, जोगलां मारतात, गडगड मारता. असल्या वेळार भगवंतबाब एका मनशाक फाटकुळेर मारून भितर येता. दोगूय भिजून चिप्प जाल्यात. त्या मनशाक खाटीर न्हिदोवन दोतोराक फोन करता.) भगवंत - (सुमार ६५ वर्सा) हॅलो...... हॅलो..... दोतोर..... दोतोर (काळोख वाडत वता आनी माचयेर कांय दिसनाशें जाता. काळखांत जाळयेचो पड्डो वयर सरता आनी कांय खीण माचयेर सगळें शांत आसता.) चार दिसां उपरांत अशोक कामत 5 (तेच खाटीचेर तोच वायटकार न्हिदिल्लो आसा आनी ताच्या म्हऱ्यांतच पार्वती आसा. ती वायटकाराची सेवा करता. तिची पिराय सुमार ५५ वर्सा. धवो भेस. म्हऱ्यांतच एका कदेलाचेर दोतोर वायटकाराचे रिपोर्ट पळयत आसा. एक रिपोर्ट खूब खेपे पळयता. भगवंतबाब भिरांतेन आकूळपिकूळ जाला. तो केन्ना दोतोराक पळयता जाल्यार केन्ना वायटकाराक.) भगवंत - दोतोर..... (दोतोर कामांत गुल्ल) दोतोर..... दोतोर....... दोतोर - (पिराय ६० ते ६५ वर्सा) कितें भगवंतबाब? (कामांत गुल्ल) भगवंत - आज चार दीस जाले, वायटकाराक शुद्ध येना आनी तूंय कांय उलयना. म्हजो जीव आकूळपिकूळ जाला. (दोतोर चूप) भगवंत - दोतोर..... दोतोर - हां...उलय.... भगवंत - आज चवथो दीस........ दोतोर - मागीर? भगवंत - तूं कांय उलयना. दोतोर - कित्याचेर? उदक वाऱयाचेर काय पावसाळ्याचेर? चड जावूं ना, फकत सत्तर इंच जाला. आनीकय उरला चाळीस - पन्नास इंच. भगवंत - तोच पावस हाजो जीव घेवंक उठला. हो मनीस निमाणे दीस मेजपाक लागला आनी तुका मस्कयो सुचतात तरी कशो? ( कांय खीण शांती) दोतोर, एक विचारूं? दोतोर - हां, विचार.....विचार...... (भगवंत कांय उलयना) proceed, भगवंतबाब. भगवंत - एक सांग, तुका कितें दिसता? दोतोर - कितें तें? एक सांज अमुरपिकी 6 भगवंत - ह्या मनशाचें जिवीत? दोतोर - तेंआ मच्या हातांत ना. जिवीत दिवप आनी घेवप (वयर बोट दाखोवन) तो पळयता तेंस गळें. तोअ धिकार ताणें आपल्या हातांत दवरला. भगवंत - तुज्या हातांत कितें आसा तेंत री पळय. दोतोर - (रिपोर्ट पळयत आसा) आं...... हां..... (सगळे रिपोर्ट कडेक दवरता आनी बेकार जाल्लेभशेन दाखयता) आतां सांग, कितें म्हणटालो तूं? भगवंत - वायटकाराचेर उपचार करपाविशीं विचारतालों हांव. दोतोर - हें पळय भगवंतबाब, ओगीच हुतहुतेपणां करू नाका. उपचार करपाक पयलीं रोगाचें निदान जावपाक जाय काय ना? नाजाल्यार दुर्येस एक आनी वखद दुसरेंच. (याद जावन हांसता) तुका उगडास ना? तुगेली दाढ उसळटाली, फडफडटालो तूं सामको. तूं गेलो दोतोरागेर. दोतोर तुजेफुडलो हुतहुतो. उसळटाली एक दाढ आनी हुमटायली दुसरीच. (तिगांय हांसतात) तुका खबर आसा फाटले तीन दीस आनी तीन राती सुसेग घेनासतना हांवें काम केलां. इतलें आसुनूय तूंम ्हजेर अविश्वास दाखयता? भगवंत - तरीपूण दोतोर........ दोतोर - हें शिरींज मातशें तापोवन हाड पळोवया. (पार्वती वता) दोतोर यत्न करूंक शकता पूण नशिबांतलें ताज्यान बदलूंक नजो. (कांय खीण दोगूय ओग्गी.) केन्नाच्यान विचारतलों म्हणटां... भगवंत - आतां विचार न्ह॒य! दोतोर - परतो परतो म्हज्या मनांत एकूच विचार येता. जितलो विचार करतां तितली जाप मेळप कठीण जाता. तुका विचारतलों म्हणल्यार म्हज्या भिडेस्त सभावाक लागून विचारूंक पावलोंच ना. भगवंत - तुजी प्रस्तावना पुरो. नमनाकच शेरभर तेल. भीड-मुरवत सगळें अशोक कामत 7 सोडून आतां सांग पळोवया. दोतोर - हो कोण कोणाचो कांय पत्तो ना. पळयल्यार रस्त्यावयलो भिकारी सो दिसता. गरजेवंताक मदत करपाचो तुजो सभाव म्हाका खबर आसा. फाटले तीन-चार दीस ह्या मनशाक लागून तूंउ दकासारखो पयसो खर्च करता हें म्हज्या दोळ्यांक दिसता. म्हज्यान ओगी रावूं नजो म्हूण तुका विचारलें. भगवंत - म्हाकाच ताजें कारण खबर ना. मनाक दिसता, हांव करतां. घडये म्हजो दोश आसत तो. दोतोर - पूण हो तर रस्त्यावेलो भिकारी! भगवंत - भिकारी काय कोण तो म्हज्यान सांगपाक नजो. भिकाऱ्यांवरी भेस दिसलो म्हूण तो भिकारीच आसा अशें म्हणूं नजो. हांव येतना जिस्त म्हजे गाडयेमुखार हो घुंवळ येवन पडलो. म्हाका विचार करपाक वेळ नासलो. तसोच गाडयेंत घालो, हाडलो घरा. (पार्वती सिरींज हाडून दवरता. दोतोर वायटकाराक इंजेक्शन करता.) ; दोतोर - पूण असो पयसो खर्च करप समा न्हय. तुमच्या दारांत आयिल्ल्याक तूं रित्या हातांनी परतो धाडिना. आज अनाथाश्रमाक चेक दी. फाल्यां क्लबाक डोनेशन दी तर परां देवळाक देणगी दी. म्हातारपण आसा. एक चलो आसा. ताजोय फुडार आसा. भगवंत - आमकां भुरगें ना हें तुका खबर आसा. दोतोर - पोसको तरी आसा काय ना. पार्वती - निलेश पोसको न्हय. दोतोर - पोसको न्हय? हांव तर ताका पोसकोच समजतां आनी अख्खो समाज तर ताका तुमचो चलोच समजता. भगवंत - हय तसोच वागता तो आमचेकडेन. पूण कायदेशीर आनी धर्मीक विधी एक सांज अमुरपिकी 8