Table Of Content

aG TG a AI a = EDIKISYONARI LO ATESO Simon Peter Ongodia The= wa for udies Afric srlk inaL apay The University of lowa Libraries wii UNIVERSITY OF IOWA EDIKISYONARI LO ATESO Simon Peter Ongodia BOOK SERIES NO. 48 The CASAS Book Series is published by The Centre for Advanced Studies of African Society A full list of titles of the Book Series will be found at the back oft he book EDIKISYONARI LO ATESO Simon Peter Ongodia BOOK SERIES NO. 48 Centre for Advanced Studies of African Society 4426. A P. O. Box 359 Rondebosch, 7700 Cape Town ; LI bt South Africa WA LI First published 2008 © The Author ISBN. 978-1-920294-44-1 All rights reserved. No part of this publication may be reproduced, stored in a retrieval system, or transmitted in any form or by any means, electronic, mechanical, photocopying or otherwise, without prior permission of the copyright holder. Printed with the support of W. K. Kellogg Foundation, Norad and OSISA. NUEJAAS TOMA Apapulai NUEEGETE i 1. Aitodiaret na Akiro nu Ateso iv 2. Isaawan luka Apaarit vili 3. Egeare lo Ateker na Iteso ix 4. Akiro nu iturianitai x EDIKISYONARI LO ATESO 1 NUENGETAKINETE 150 The University of lowa Libraries NUEGEETE ITESO KA ANGAJEP KEC Agearl atipuruc na kwape ka nuce kere. Acai akolong ejok ido koriripikinete idowon da ne aculonikini ainepit ti naka akolong. Adolunit bobo apak na iwuriak aiyitiakite amoot titabon kotoma oidukai lu titabon. Abeit idwe aibong osomeroi. Ngin ikoku ejaikinitai elisit lo iitabon lu abeit abongoria komam atwaniar. Ajai eong da oiduka ediope loapolon lo ko Kampala amoikin idwe ka iitabon lu epudai. Ajaas iitabon anya anya. Aroko eong etekorit akou airereun titabon lu ewadikatai obalua, ketapuni eong etunganan okeper. Ajeni eong ebe ewuta nesi da agwel iitabon lu ike idwe. Abu kengit eong aitodikin nesi ewai lo ejaas idikisyonarin. Kiwonyari nesi ne etodikinit eong nesi. Ajeni eong ebe emoyi nesi Edikisyonari lo Amusugun luipudas isomeroi tetere asiomak kec iwinyas Amusugun kosomero. Edaun apak na esuupana, abu ejakait lo kobong ne ajal eong. Asukit nesi ereet noi. “Akoto eong Edikisyonari lo Ateso. Ijeni ijo arai eong etesot obe. Amoo eong iidukai lu titabon kane oibuga lo kede otaun lo Soroti, konye akuroki eong adumun Edikisyonari lo Ateso! Apoloutu idwe ka ikany kere ko America. Mam epedoritos einer angajep kec nepe cep. Adol apak na iso abongun ore konye ileic bon arai mam kesi epedorete einer kede luka paapakec, nuka tatakec! Akoto eong kesi aisisia angajep wok. Bala irai jo da Etesot. Ajenikini eong kotoma apanar na angajep.” “Febo, arai eong da Etesot. Erai ican ebe ikidioko iitabon lu Ateso. Konye ajeni eong ebe ejai erionget lo ewuta akiro nu aitopoloor angajepesinei nu Africa. Ewutai kwana aipepeun Ediksyonari lo Ateso. Enyaritai erionget ngol ebe “The Centre for Advanced Studies of African Societies, CASAS, ejai nesi toma oibuga lo Cape Town.” Ne anyowuno eong kotoma oiduka lo, abu eong esumun aibwaikin agogong toma atwadik eitabo lo. Abu eong elip Lokasuban aisirereng erionget lo kede itunga kere lu ewutasi aiwadik kede angajepesinei kec kacut oni Iteso. Ekot aisijaruun atwadikao na iitabon kede angajep wok na Ateso. Ewuta kwana Edikisyonari lo Ateso lo aitam aisikwaruun etwadikae lo angajep wok kotupitete nu etutubet luepolokinitos angajep na Ateso. Mam nesi epedoti ajaikin kede akiro kere nu alufabet wok konye erai aigimor etwadikae. Eraun aigimoret na na ecalauni eipud lo ejaas Iteso luipu ebe angajep wok nesikipogar oni da. Ekot oni aitopoloor einere kede ciwadikae kotoma angajep na ijaikini oni Edeke. Ipu itunga kama wok lu eputosi kede Etesot lo itiamun kede eong ko Kampala lo amoyi iitabon kanu ike idwe aisiom. Ajokis bobo ace na ebe; ewuta kwana etionget lo asioman ko Africa aitopoloorit angajepesinet nu ikulepek akwap. Ko Uganda, ebala eminisitri lo Aisisia ebe icorakitai aisisianakin idwe ko puraimare kede angajep na atutubet. Kobuwok ibusakinit oni aisac aimuwarit angajep na Ateso kasodete aitopoloor nesi. Kwana ipedori asioman Ateso adumunia ediguri ko Makerere. Mere kwa kolo sek. Elosikinit Edikisyonati lo aigang ateker wok aitogogong eitoswamae lo angajep wok. Erai ateker na Iteso adiope kotoma atekeresinei nuepolok ko Uganda. Agear apakio nu epugaata imusugun, okaru lu 1900 toni ne emarere itunga okaru lo 1991, araasi Iteso lueyareikitos aipuwes, atupakin ateker na Imugana. Konye mam ijeni nu apotu kotakanutu kokiding kanen tape ikidiokoros Iteso. Kotoma aimatio apotu Iteso koraunos lu ikanyet kaipuwes. Angajep won na Ateso nesi inerai ka kwapisinei nu ko Uganda kede ka Kenya. Ko Uganda, itunga lu edolit enaaba kec imilionin iuni kesi inerasi Ateso. Ko Kenya, itunga luedeparitos ilukumin akwat auni lu ejaas odistrikt lo Teso lo ko Kenya kesi eruwete angajep na kacut oikor Kenya-Uganda. Ko Uganda, inerai Ateso kotoma odistriktan luko Katakwi, Kumi, Bukedea kede Soroti. Kosodete bobo luipu ajaut odistriktan luko Pallisa, Kaberamaido, Tororo, Mbale, Busia, Bugiri kede Iganga. Enyamarit atutubet na ayapiar atutubet idiope kanu iuni akwap na ko Uganda. Abu elongilong lo okaru 1987 toni 1990 ko Teso komudia Iteso luepu noi. Ajai Iteso ice akerit aimec nenice emwaniar ore. Luipu apotu kokerata aimec odistriktan kwape nat Mayuge, Iganga, Kamuli, Jinja, Mukono, Kayunga, Mpigi, Kampala, Luwero kede Masindi, luipu kakesi mam bongunet. Apotu do kodokoto kede aimorikikin kede atekeresinei ace nu imo. IPAJAN ITESO Mam Ateso erai bon. Inerai angajep naipajanakina kede Ateso aiboisio nu egelegela. Ipajan Iteso eraas Ikaramoja kede Ikumama luko Uganda, Iturukana luko Kenya, Itoposa (Tepeth) luko Sudan kede Idonyira luko Ethiopia, ne ebakat ebe nesi elibunitotot Iteso kede Ikaramoja. Karaida ejaas ngun, mam Iteso kede Ikaramoja iboyete ainapakina. Epol engasit lo ibaren kacut apakio nu akamu. Kedumutu Ikaramoja imuudun, apopongo, abu do engasit koraun lo epali ido korono noi. Itamakit apugan aidem luka mamai ka Iteso imuudun tetere aitidisiar engasit lo.