Carvalho Calero Atual PDF
Preview Carvalho Calero Atual
Carvalho Calero Atual Ricardo Carvalho Calero Carvalho Calero Atual 4 Carvalho Calero atual 1ª ediçom, Julho de 2012 © 2011 Herdeiras dos direitos da obra de Ricardo Carballo Calero/ Ricardo Carvalho Calero © 2011 AGAL Associaçom Galega da Língua [email protected] www.atraves-editora.com ISBN: 978-84-87305-47-4 Depósito legal: C 1471-2012 Coordenaçom editorial: José Manuel Outeiro Valentim Fagim Diagramaçom: Miguel R. Penas Capas: Carlos Ngundi Comesanha Imprime: Sacauntos Reservados todos os direitos de acordo com a legislaçom em vigor Índice Apresentaçom 9 1977 Uso e abuso do galego 11 [introduzido por José Manuel Outeiro] 1978 Sobre dialectologia do galego 23 [introduzido por José-Martinho Montero Santalha] 1980 Louvança do vinho do Ribeiro 47 [introduzido por Maria do Carmo Henríquez Salido] 1981 O idioma galego e os problemas da linguage técnica 63 [introduzido por Carlos Garrido] 1981 A língua de Ausias March e O voo do flamengo 87 [introduzido por Valentim Fagim] 1983 Umha história clínica 101 [introduzido por Xosé Ramón Freixeiro Mato] 1983 O galego, obxección de conciéncia 113 [introduzido por María Pilar García Negro] 1984 Diálogo entre A e B 121 [introduzido por Bernardo Penabade] 1985 O problema ortográfico 135 [introduzido por José Luís Rodrigues] 1986 Situaçom presente e orientaçom futura dos problemas gerais da nossa língua 155 [introduzido por Eduardo Sanches Maragoto] 1987 A posiçom dos clíticos em galego-português 179 [introduzido por Ernesto Vázquez Souza] Apresentaçom Em 1981, o mesmo ano em que a AGAL foi constituída, Ricardo Carvalho Calero publica em Portugal Problemas da Língua Galega, o seu primeiro livro redigido com ortografia galego-portuguesa. Nos anos seguintes, até a sua morte em 1990, organizaria outros volumes em que reuniu artigos, estudos, ensaios e conferências sobre essa mesma temática lingüística, como Da Fala e da Escrita (1983), Letras Galegas (1984) ou Do Galego e da Galiza (1990), o último dos quais, Umha Voz na Galiza, véu à luz postumamente, em 1992. Trata-se de títulos fundamentais na conformaçom e difusom social do reintegracionismo, o movimento de normalizaçom lingüística do Galego, concebido este como a norma nacional ou variante galega da língua internacional galego-portuguesa, e que exercêrom umha indubitável influência nas pessoas que se achegavam a este movimento ou simplesmente assumiam a unidade lingüística galego-portuguesa durante as duas últimas décadas do século passado. Essas obras constituem ainda hoje umha referência central do movimento de normalizaçom lingüística, já que em geral as análises, reflexões, críticas e propostas que nelas expõe o autor permanecem plenamente actuais, e por isso freqüentemente continuam aparecendo citações tomadas delas nos diversos ámbitos e formatos em que se desenvolve o movimento normalizador. Mas o seu conhecimento directo por parte das novas gerações vê-se 9 dificultado polo facto de nengumha delas ter sido reeditada nos últimos vinte anos. Por esta razom, a Associaçom Galega da Língua e a sua chancela editorial, Através, querem contribuir à divulgaçom do pensamento lingüístico e da obra de ensaio de Ricardo Carvalho Calero com esta colectánea na qual contamos com colaboradores destacados por se terem dedicado previamente ao seu estudo e divulgaçom, os quais fôrom convidados a seleccionar um ou dous textos del e elaborar umha breve introduçom à escolha feita. Os textos seleccionados som reproduzidos aqui segundo a última versom publicada polo autor e respeitando a ortografia empregada em cada um deles. Unicamente fôrom realizadas mínimas correcções de erros tipográficos (atalaia por *atalia, beira por *veira, Joan [Fuster] por *Joam…), incluindo umhas poucas do que poderiam ser tanto castelhanismos como gralhas (compreendia por *comprendia, coordenaçom por *coordinaçom, estranhamente por *extranhamente, osmose por *ósmose), mas sem mudar em nengum outro aspecto as opções lexicais do autor. Desta forma, o leitor poderá conhecer nom só o pensamento mas também a prática lingüística de Carvalho, e a sua evoluçom, sem alterações que a desvirtuem, para o que também se decidiu ordenar os textos de forma cronológica. Finalmente, agradecemos a Cilha Lourenço Módia a sua diligente colaboraçom no trabalho de preparaçom dos textos e a Aurora Marco a cessom da imagem reproduzida como anexo ao texto assinado por Maria do Carmo Henríquez Salido. José Manuel Outeiro Coordenador Editorial 10
The list of books you might like
