Table Of Content

Benc’non Tamar nyavnd maxsap 8 Kipil Yeshasend : Melkamu Meshesha Mender Nigussie Pikasend: Gatsnend Abebe Yirgashewa Izabela Karpienia Dizayner: Qalkidan Abate Sivil: Senayt Worku Mamo 2010 Bergam Mizan Aman Benc’non I 8 kipil Maxsapa hacaga hali Dabub kililaga ert biroa- ma Benc’Mazhi zonaga ert mamariama SIL Top’ia Benc’Mazhi zonaga prozhektama barstangi yiskue. Benc’non II 8 kipil Yirc 1 Qayxs dos-----------------------------------------------------1 Yirc 2 qirsnd----------------------------------------------------------21 Yirc 3 Ats wobs -----------------------------------------------------40 Yirc 4 Giximnd-------------------------------------------------59 Yirc 5 Ats pyad----------------------------------------------------77 Yirc 6 Baraha----------------------------------------------------95 Yirc 7 Nyav gid goc’ -------------------------------------------------116 Yirc 8 mayn vyana xsoxsam ersas---------------------------------133 Yirc 9 Nars ket -----------------------------------------------------154 Yirc 10 war dont yits-----------------------------------------------172 Benc’non III 8 kipil Vyard Nyartn kipil tamar nyavnd maxsapa hac non gaham tamarni yiskend tamar nyavndeshn yeshuc maxsapa gizio. Tamar nyavndi bá nonis yia̋ m bana poguc gaham tamarnsueshn gatsnsue. Uc yisisnd tamar nyavndi gahaga xsapa kats yirca konqa xami nababmi ibaram kart utsnsueshn gaxsi yiskue. Tamar nyavndi kipila hacn yeshuc xsapis nababami ernsueshna bana tatsucis ibaram itsayqndi xsapmtsueshna dumars kasi gah kipila iq wosn gahaga higis qazqi iqi yiskua gizio. Ucagisn maxsapi yeshuci no doda Top’aga mayna vyana max atam bodam yeshua gizio. Ertis vyana maynais xsoxsam ersasi atsnd dentkan garski yiskend gahndis xisham yeshuc maxsapa gizio. Kasi gaha gaxsis kobam shidan coram atsnd dentkan kurskend gahndis gaxsasi dumars dyart gahnd dentkan paz petend qalndis yistnsargueshn xisham wucasi yeshuc maxsapa gizio. Maxsapa haceshn tamaga yircndi yiskue. Yi ̋max maxaga yirceshn nam nababa sisnsuc shidan hayx maki yiskuc oxhndi yiskende. Nababaga ap gahni dontnsi odaga gahaga ertis tamar nyavndi hayxnsueshna haysi sisnsueshna nababmtsueshna xsapmtsueshna hatsi yiskenda gizio. Tamar nyavndi gahaga higa shidan gahaga qodenda amtseshn yits besa- guca cobc pyada cod pyada xama becka x’on gah zara badasnsnde.Kasi od ert bodndam gaxsasni tamar nyavndi qayxsndis qayxsnsueshn yeshui maxsapa gizio. Tamar nyavndi ket atsndi nababaga yitsis ernsi nyavndeshn gatsni xsoxsam vyana mayna ersas maki yiskueshn ertis ersasnsueshn ezaga gaxs petnsende. Benc’non IV 8 kipil Can 1 ab 1nuc ert Yirc 1: Qayxs dos 1.1 Qayxsa giz yapa Qal ert Qayxs -1 Hac dungam estend qastndis qal bayqan yitsi amtsa estuc bodam becknde. Tatsnde: Qast : qast qal maki bá kay yisti porsh utsni hakarguc qalaga koba gizio. Uc yisind ind shidan qal baya bana maxn bana dyamaeshn porshi yisn kayguc qal koba gizio. Kasi qala bay maki bá kay yixangi porsh utsni haki yiskuc qala gizio. Amtseshn: yistnsueshn A. wunsueshn ________________ B. qayxsnsueshn ________________ C. mangisteshn ________________ D. qopeshn ________________ E. bomaeshn ________________ Nabab Nabab aparqnuc oxh Hac dungam estend qalnd porsh debm gahnde. a. qayxs b. bom c. iq d. bazham e. gats g. qop h. oshtam k. cac’as Benc’non 1 8 kipil Qayxs -2 Hac dungam estend oxhndis yintayqn nalnda yinta gobtn petangi yi ̋tohn gahi qalam karsnde. A. Atsi qayxsis zolqa bana qayxsan har petnseo? B. Ats nyavndi qayxsis bana qayxsargu petan har petnseo? Nabab nababm Qayxs -3 Hac dungam estuc nababis anqaxsam dap maki nababmi nababaga tatsis qalndam shidan x’on gahndam hayxnde. 1.1 Qayxsa giz yapa Qayxsi atsi nyavndi bá may tatsis x’onc’i yistnsueshn koysti yiskuc yitsa gizio. Qayxsa uc yisind gapm dyastend dyadnendis soyam uxi bom eti ni wunsueshn koysti yiskue. Uceshn ats nyavndi qayxsis qayxsna bana makan bá deba guza soy maki yeshasi qayxsqan vyardnsui koysti yiskue. Yi ̋nabi no tatsis qayxsni karsanga qayxsis no qayxsan gaxsasna no haknsue. Uc yisind ertam dyamagi yiskuc qayxsi bana petan bom eti ni wuni haknsue. Ertam gaxsasna qay qayxsis dyada no qayxsan atsnda du- marndi no dadn yevi qayxsa no yiskucis beqi bom eti wunsende. Qayxsi kang woyn ats nyavnda bana bad ati erarguc abam abam qayxsi yiskuc qayxsa gizio. Ats nyavndi dod debm bá yiskuc hak kang woyn tatsia tatsargua yisti qayxsis qayxsi yiskende. Kang woyn mvis mva no yisku- woxn nona wopta yiskuc kutsna no qera no gapa maq harki yiskend qayxsndis qayxsna no haka yiskue. Ats nyavndi qayxsaga gaxsis erargu yisti bá yanxs bergn qayaxsi yiskende. Qayxsa uc yisind “Kopa yinka hac tamm utso, canq yinxso, sov tamm utso” maki yiskuci qayxsis bá nyava yanxs Benc’non 2 8 kipil bergn yisti qayxsni haknsnde. Qayxsa endwoxnendis ni qayxsnsueshn gidi koysti yiskue. Qayxsi abi yi ̋bomi erarguc ats nyavnd qayxsa gizio. Ucagon yi ̋petasn qayxsaga yitsi ats nyavnd iqa bomaeshn codaga bom eti yevi yiskue.Yitsi bá bomuc pyadam yisteshn koysti yiskuc gahndi bá bomi yiskue. Yitsa ucis zolga gida ertam gaxsasna ez qopeshn atna no haknsue. Qayxsis zolqa no qayxsargu petan biri yaka mva kambul bodam hama ert ketna akuma harki yiskend yapma no haknsargue. End woxnendis x’onc’a katsam no yistnsueshn qayxsi koysti yiskuc petucis ni ernsue. Qayxsis dabam qayxsi koysti yiskue. Yi ̋nabi maxnas atseshn pavu qayax- sis dabam no qayxsn gyarn wursanga dumars tatskan vyardna no haknsue. Ats nyavndi dod debm bana yisku hak bá deb haknsi yistargue. Yi ̋ nabi Yer echam kangu haknsi yisku atsi nyavi bana kaygueshn maxnasi maxnasn gatsn dod debm yisti koysti yiskue. Max atam oshtni qayxs yisind ezaga qop shidan bomis eti wunsue. Qayxs kayesaragi tatsnd bomi iqeshn koysti yiskue. Ni ̋kay dentsni ni yiskuc qayxsis max atam shidan bazham ni Benc’non 3 8 kipil qayxsan gyarn wursna no haknsue. Max atam yisti ats nyavndeshn koysti yiskue. Uceshn no atsa Benc’i “Maxaga xsip’i bá kay yisti tam uxargue” maki maxa ati koysti yisku petucis amtsam hayxi yiskende. Uceshn max atam oshtna qayxsa ezaga bomeshn no beshnsui koysti yiskue. Qayxsis ibar mayam donti ni qayxsan ezaga bomm no atnsue. Hamagi atsaga kitam shidan xurqam qayxsqan nona vyardu petan koysti yisku- woxn qayxso qopis yapma no haknsargue. Nuaga cunam qayxsa qop yap- mtanue maka no vyardargueshn no apm gis baysni shidan kashis baysni haknsue. Qayxsis qayxsargend atsndi kashis baysnsui ats apkanesargi itsayqn debi kashni haknsargue. Uceshn qayxsis cuna qayxsa kashis no yapmtsui koysti yiskue. Kasha mastan atsi qayxsi gizi yaki koysti yiskuc qixsndis goti yircna gizio. Ni ̋qer qayxsis qayxsi qopis yaki ni ̋deb haki ni yistan ni ̋debeshn yirci yistni haknsue. Ats nyavndi zolqi qayxsis qayxsi irata gayda egam hatsi kazham cac’as- ni kashis yapmtsnde. Myat gamtsi yiskuc qayxsis no qayxsnsan uceshnan nona yakuc qopam kazhqa no yiskue. Ersasagendi myataga gam geshn itsayqn tamar nyavndi soy qop eti egam atagucn kazhqi yiskende. Kasi akumndi atsis itsayqn akamm yisi pyaxsan bayam kazhqi yiskende. Uci woxn mvi ketn shidan wutul ketendi atsi itsayqn wutul ketn vyardi mvi nacn yia̋ m kazhqi yiskende. Qayxsi atsis kazhasi yiskuci yi ̋gadesargi yi ̋ wuraga qopa gizio. Nabab geshnuc oxh Wo tamar nyavndo! Yintayqn nababmuc nabab ap gahi haran hayxnde. Hac dungam estend sanxarazhndis amtsa estuc bodam nabam estucis qopam x’onc’nde. Benc’non 4 8 kipil pyad Nab Qop 1 qayxsam gamnas bel, gir, irat, pug 2 qayxsam zolas 3 dabam qayxs 4 kay qayxs 5 qayxs wobsargend 6 gir 7 Ketnas Qayxs - 4 Hac dungam estend oxhndis nabab bodam karsnde. 1. Qayxsi hareo? 2. Pav qayxsis haram no qayxsnsueo? 3. Qayxs gaxsi hareo? 4. Ats nyavndi qayxsi qayxsargu yisti yistni haknde? Hareshn? 5. Qayxsis zolqi qayxsuca qayxsarguca atsaga qopis hayxnde. 6. Yintayqni atni cuni yiskuci zolas qayxsasage gamnas qayxsaseo? Hareshn? nuc Can 1 ab 2 ert Qal porsh Qayxs – 5 Hac dungam “A” tovqan qalnda estendis “B” tovqan enda pashi harkni yiskend porsham ingasnde. “A” “B” ___ 1. oshtni A. eskay Benc’non 5 8 kipil ___ 2. qer B. geb ___ 3. kangwoyn C. gartni ____4. kash D. iq ____ 5. cod E. yirc ___ 6. beqi G. noti ____ 7. bom H. deb Ert qalnd: Xsap Qayxs – 6 Tamar nyavndi nababa bana nababmuc bodam kaz paragirap naba qopam gaxsasni xsapmako. Xsap hig Qayxs - 7 malatend Bá badam badamend malatend zari yiskende. Zarenda end dentkan yix malata oxh malatais no beqnsue. 1. Yix malat maki maxaga x’on gahi yixu petucis besi yiskue. Amtseshn: Komasi gabm hanqu. 2. Oxh malat maki maxaga x’on gahis oxham yits maka gizio. Amtseshn: Kargui har qan hanqadeo? Benc’non 6 8 kipil