Table Of Content

ACTA APOSTOLICAE SEDIS COMMENTARIUM OFFICIALE AN. ET VOL. XCIV TYPIS VATICANIS MMII An. et vol. XCIV 3 Ianuarii 2002 N. 1 ACTA APOSTOLICAE SEDIS COMMENTARIUM OFFICIALE Directio: Palazzo Apostolico - Città del Vaticanq - Administratio: Libreria Editrice Vaticana ACTA IOANNIS PAULI PP. II LITTERAE DECRETALES quibus summi honores Caelitum sanctarum adscribuntur beatae Iosephae Bakhita. IOANNES PAULUS EPISCOPUS SERVUS SERVORUM DEI AD PERPETUAM REI MEMORIAM «In iustifìcationibus tuis delectabor» (Ps 119, 16). Deum quisquis diligit ipsiusque exsequitur voluntatem, in veritate ince dit ac vitae simul fructus profert aeternae, beatitatem illam dum experitur quam iis est dominus Iesus pollicitus qui « audiunt verbum Dei et custo diunt » (Lc 11, 28). Donum quidem spiritus beatitudo haec animum et vultum moresque Matris Iosephae Bakhita collustravit, quae plurimum crudelibus a dominis perpessa interminatam persensit inde laetitiam, quod caelestis Patris esset filia eique demissa et humilis servire valeret cotidie laudes suas atque amo rem ipsi offerens. Africa in terra incohata eius est vita ac terminata in Ita la. Etenim anno MDCCCLXIX in Sudaniae orta est regione, quae Darfur nomi natur, ex religionis animistae parentibus, quibus arva erant et pecora. Sep timum usque ad vitae annun felix vixerat, cum surrepta est ac servarum vendita mercatori. Sic e domo oppidoque evulsa natali transibat de loco in locum, a domino alium ad dominum, dum duriora complevit opera iniurias- que subiit et verbera necnon terrificum ipsum picturae corporeae suppli- 6 Acta Apostolicae Sedis - Commentarium Officiale cium. Nomen est ei inditum Bakhitae, quod fortunatam significat, verum tamen iis temporibus asperitates perferebat omnibus destituta iuribus. Op- probria ista et cruciatus nativam haudquaquam ei honestatem eripuerunt animique bonitatem, ex qua malum superare et bono compensare sciebat, odium ac vim patientia reparare et indulgentia. Potuit igitur deinde adse- verare: « In luto sum versata, verum inde nihil inquinata ». Qui autem illi invigilabat Dominus ad melioraque illam destinaverat, viis quibusdam improvisis anno MDCCCLXXXV Venetias in Italiam perduxit effecitque ut homines cognosceret nobiles ac liberales a quibus propria est ei reddita dignitas et libertas. Verum tunc illud intellexit: Deum ipsum, haud hominem, omnis hominis esse dominum omnisque pariter vitae huma nae. Iesum Christum etiam interea cognovit et eius statim capta est amore. Baptismi et Eucharistiae et Chrismatis recepit anno MDCCCXC, die ix Ianua rii mensis, sacramenta exoptata summopere laetans. Nova ita in Christo creatura effecta, addito Iosephae sive Iosephinae nomine, viam sanctimoniae exinde percucurrit studioseque Deo respondit invitanti videlicet totam ut sese ipsi devoreret. Quapropter anno MDCCCXCIII Institutum amplexa est et rite ingressa Filiarum Caritatis, hoc est Canossia- narum, quippe quae in fide eam instituissent et ad introitum in Ecclesiam comparavissent. Temporaria vota anno MDCCCXCVI pronuntiavit, perpetua vero postmodum anno MCMXXVII. Quadraginta quinque deinceps annos reli giosa in domo Schio permansit, dioecesis Vicentinae, munera amanter per- fecteque procurans coquae et aeditimae tum etiam ianitricis. Verbis ipsius cotidianisque negotiis humilibus usque Dei concelebrabatur bonitas lucida- que reddebatur simul testificatio fidelitatis erga Evangelium et Ecclesiam, in proprium consecratae vitae Institutum ac vota necnon eas vivendi nor mas quas susceperat. Omni quidem animi impetu Deum adamabat artissi- mamque cum eo excolebat coniunctionem per eucharisticum cultum, maria lem pietatem, precationem perpetuam. Adagium illud earum ei fuit: « quid quid vult Dominus », quo se scilicet testabatur sine condicionibus Domini ipsius complecti voluntatem. Germana superni Patris filia ac discipula fida sanctae Magdalenae de Canossa, aperiebat semper mansuetum suum perlu- cidumque animum Superioribus ipsis et Sororibus, pauperibus et patienti- bus, infantibus eorumque familiaribus, militibus tandem vulneratis ac re ceptis primi belli mundani tempore Militari in Valetudinario. Imo ex corde iis omnibus ignovit a quibus deiecta erat inhumaniterque tractata in Africa et, cum missionario tota pervaderetur ardore, ut fides per orbem dissemina- Acta Ioannis Pauli Pp. II 7 retur ac praesertim inter Africae terrae gentes, usque precabatur. Aliquod etiam tempus Sororem quandam suam religiosam secuta est in itineribus missionalis praedicationis plures ad Italiae urbes. Postremis vitae annis con- flictata est morbis diversis, quos serena fortique pertulit mente, nihil omni no cessans Dei placita ad fínen usque laeta complere, qui ad se eam die VIII mensis Februarii anno MCMXLVII sub vesperam arcessivit. Vivens illa ac moriens curriculoque vitae perfuncta etiam circumdabatur sanctitatis ac portentorum celebri fama. Quocirca Vicentinus Antistes beati ficationis causam atque canonizationis anno MCMLV instituit. Omnibus au tem deinceps ex iure legitime peractis, Nosmet Beatae titulum honoremque huic Servae Dei concessimus die xvn mensis Maii anno MCMXCII. Hinc magis multo veneratio crevit atque celebratio humilis huius Christi testis, cui plu ribus in nationibus dona assignabantur caelestia et beneficia. Nobis itaque coram die xxi mensis Decembris anno MCMXCVIII prodiit decretum « super miraculo » ac deinde in Consistorio diei II mensis Iulii anno MCMXCIX consti tuimus ut volvente Magno Iubilaeo anni MM Beata haec in album sollemni ter referretur caelitum Sanctarum. Hodie igitur, Kalendis Octobribus huius anni Magni Iubilaei, festivam ante Ecclesiae pastorum et christifidelium multitudinem infinitam fere uni versis de nationibus, sequentem perplacuit maxima alacritate Nobis ac pie tate in viros et feminas a Deo electas enuntiare canonizationis formulam: « Ad honorem Sanctae et Individuae Trinitatis, ad exaltationem fidei catholicae et vitae christianae incrementum, auctoritate Domini nostri Iesu Christi, beatorum Apostolorum Petri et Pauli ac Nostra, matura delibera tione praehabita et divina ope saepius implorata, ac de plurimorum Fra trum Nostrorum consilio, Beatos Augustinum Zhao Rong et cxix Socios, Mariam Iosepham a Corde Iesu Sancho de Guerra, Catharinam Drexel et Iosepham Bakhita Sanctos esse decernimus et definimus, ac Sanctorum ca talogo adscribimus, statuentes eos in universa Ecclesia inter Sanctos pia de votione recoli debere. In nomine Patris et Fili et Spiritus Sancti ». Quibus prolatis vocibus mandavimus hae ut conscriberentur Litterae Decretales. Gratias pariter egimus et Nos Deo una cum adstantibus cumque sermonem habuissemus de novensili hac Sancta eiusque mirabilibus virtuti bus et operibus, caeleste eiusdem primi invocavimus patrocinium et augu- stiore ritu divinum sacrificium ad illius item honorem perreximus facere. Quaecumque demum hisce intellegi fierique iussimus Litteris, ea firma per- 8 Acta Apostolicae Sedis - Commentarium Officiale petuo sunto in posterum ac sancta, contrariis quibusvis rebus neutiquam obsistentibus. Nobis autem vehementer optantibus ut universa hinc Eccle sia tam incitamentum fidei accipiat quam christianae vitae novum prorsus adiumentum. Datum Romae, apud Sanctum Petrum, die ipso Kalendarum Octo- brium, anno Domini bis Millesimo Magni Iubilaei, Pontificatus Nostri vice simo altero. EGO IOANNES PAULUS Catholicae Ecclesiae Episcopus Marcellus Rossetti, Protonot. Apost. Loco ffi Plumbi In Secret. Status tab., n. 492.384 CONSTITUTIO APOSTOLICA C H I S I N A U E N S IS Administratio Apostolica Moldovensis ad gradum atque dignitatem dioecesis evehitur nomine Chisinauensis nuncupatae et Apostolicae Sedi immediate subiectae. IOANNES PAULUS EPISCOPUS SERVUS SERVORUM DEI AD PERPETUAM REI MEMORIAM Sollicitus de spirituali bono suorum Christifidelium, Venerabilis Frater Antonius Coga, Episcopus titulo Paestanus et Administrator Apostolicus Moldovensis, ob incolarum copiam in circumscriptione ecclesiatica sua de gentium, ab hac Apostolica Sede petivit ut territorium eiusdem Administra- Acta Ioannis Pauli Pp. II 9 tionis Apostolicae ad gradum ac dignitatem dioecesis eveheretur. Nos, Qui gravissimo fungimur munere supremi Pastoris totius gregis Dominici, faven te quoque eidem rei Venerabili Fratre Carolo Iosepho Rauber, Archiepisco po titulo Iubaltianensi et in Moldova Apostolico Nuntio, de consilio Secre tariae Status admotae postulationi libenter concedendum esse putavimus rati id in animarum salutem esse cessurum. Summa igitur Nostra potestate quae sequuntur decernimus. Territorium Administrationis Apostolicae Mol dovensis evehimus ad gradum et dignitatem dioecesis nomine Chisinauen- sis, quam huic Apostolicae Sedi immediate subiectam facimus. Huius novae dioecesis sedem in urbe « Chismäu » ponimus dum ibidem situm paroeciale templum, Deo in honorem Divinae Providentiae dicatum, ad gradum et di gnitatem Cathedralis ecclesiae evehimus. Mandamus insuper ut quam pri mum ibi constituatur ad normam iuris communis Collegium Consultorum, qui Episcopo valido sint auxilio. In iis autem quae respiciunt ad Seminarii dioecesani aedificationem atque sacrorum candidatorum formationem, ser ventur praescripta iuris communis, habita praesertim ratione normarum ac regularum a Congregatione de Institutione Catholica statutarum; selecti Se minarii alumni, philosophicis ac theologicis disciplinis imbuendi, necnon sa cerdotes studia completuri, Romam, si fieri potest, mittantur. Quae decre vimus perficienda committimus memorato'Venerabili Fratri Carolo Iosepho Rauber, eidem tribuentes necessarias et opportunas facultates etiam subde legandi, ad effectum de quo agitur, quemlibet virum in ecclesiastica digni tate constitutum, onere imposito ad Congregationem pro Episcopis authen ticum exemplar actus peractae exsecutionis remittendi. Hanc denique Con stitutionem Nostram iugiter ratam esse volumus, contrariis quibuslibet re bus non obstantibus. Datum Romae, apud S. Petrum, die vicesimo septimo mensis Octobris, anno Domini bis millesimo primo, Pontificatus Nostri vicesimo quarto. £B ANGELUS card. SODANO IOANNES B. card. RE Secretarius Status Congr. pro Episcopis Praef. Leonardus Erriquenz, Protonot. Apost. Laurentius Civili, Protonot. Apost. Loco 83 Plumbi In Secret. Status tab., n. 504.823 10 Acta Apostolicae Sedis - Commentarium Officiale LITTERAE APOSTOLICAE I Beatorum honores caelitum Paschali Fortuno Almela tribuuntur ipsiusque soda libus tribus. IOANNES PAULUS PP II Ad perpetuam rei memoriam. — « Tu es Christus, Filius Dei vivi » (Mt 16, 16). Christi membra Christiani Baptismate efficiuntur eodemque nomine vo cantur suam ut coram hominibus profiteantur fidem, imitati scilicet Sanc tum Petrum cui, confirmante Magistro Divino, haud caro nec sanguis, ve rum Deus ipse messianicam reclusit Iesu indolem ac divinam filiationem (cfr Mt 16, 17). Fideles nempe germano Sancti Francisci spiritui, Venerabiles Dei Servi Paschalis Fortuno Almela et socii tres suam propalam praedicaverunt fi dem, quam immo ne suos apud carnifices negarent, vera heroum fortitudi ne ad sanguinem suum profundendum fuerunt parati. Intestino enim exar- descente inter Hispanos bello anno MCMXXXVI, infensus catholicis republica- narum auctoritatum animus in apertam transiit cruentamque vexationem quae atrociter homines etiam affligebat et locos Domino sacratos. Enatum hinc in christianos odium complures veluti hostias confecit inter quos quat tuor hi recensentur ad Ordinem Fratrum Minorum pertinentes qui nomina tim sunt: Paschalis Fortuno Almela, die III Martii mensis anno MDCCCLXXXVI apud Villareal de los Infantes in provincia Castellón ortus. Praefectus fuit morum in Seminario Minore Franciscanorum in loco Benisa (Alicante). Qui que actis in Argentina annis, rediit in Hispaniam pastorale procuraturus ministerium atque operam praecipue daturus sacrorum instituendis alum nis. Bellum istud cum internum esset crudeliter coortum, suos confugit ad familiares, die tamen VII mensis Septembris anno MCMXXXVI capti VUS est ductus postridieque interemptus. Sese Dei totum dedens voluntati placide obiit. Placidus García Gilabert, in pago Benitachell provinciae Alicante Kalen dis Ianuariis natus anno MDCCCXCV. Titulum et gradum adsecutus apud Athenaeum Antonianum de Urbe Lectoris Generalis in iuris canonici disci plina necnon theologia morali, explevit praeceptoris munus evasitque suae