Origen di Celebracion di Dia di San Juan: 24 di juni

32 Pages·2004·23.45 MB·Papiamento

by  Hubert (Juby) Naar

Origen di Celebracion
di Dia di San Juan
24 di juni
Charla di señor Hubert (Juby) Naar, teni na Instituto di Cultura
Aruba dia 12 di mei 2004. El a trata e tema “Origen di
celebracion di Dia di San Juan.” Conoci na Aruba como “Dia di
Dera Gai.”
Aruba, juni 2004
Dibuho di portada pinta dor di señor Frank L. Croes, Director di ICA
Un publicacion di Instituto di Cultura Aruba riba encargo
di Su Excelencia Minister di Cultura señor T.F. (Ramon) Lee
Juni 2004
Prologo
Loke ta haya aki ta un resumen di loke mi tin documenta riba
fiesta di San Juan cu ta encera e tradicion Arubiano “Dera Gai.”
Nos ta celebrando fiesta di San Juan dia 24 di juni, pero si mira
bon ta “Dera Gai” ta ser duna mas importancia cu San Juan mes
na kende e dia ta dedica. Pakico e fiesta ta ser celebra? Con a
bin na celebra e fiesta ak1? Kico ta e historia tras di e fiesta di
San Juan? Diunda a bini e diferente manera di celebra e fiesta y
cu e toke cultural of tradicional cu cada pais tin hinca den dje?
Unda e fiesta a origina? Con bin el a yega Aruba? Esakinan ta
algun di e preguntanan cu mi kier a haya contesta riba nan y
tabata haci mi anotacionnan riba tur cos cu a cai den mi man
tocante e fiesta di San Juan. Esei a pone cu ultimo añanan m1 a
cuminsa pone nanriba papel, warda nan, agrega riba nan, hinca
nan den otro pa yega na un splicacion tocante e celebracion di
fiesta di San Juan y e parti di Dera Gai. Mi kier cuminsa na
enfatisa cu mi no ta un historiado. Cosnan cu mi ta haciendo,
riba un gota di oceano di historia cultural, ta ser haci como
pasatempo pa motibo di curiosidad y di kier sa mas y mas di e
desaroyonan.
Eseinan ta locual ta ser treci dilanti aki. No, mester duna
“Jack his Jacket.” Mester duna honor na esun cu merece e
honor y esei ta bin dilante mas despues. No ta tur
informacion cu mi tin tocante e fiesta di San Juan mi a trece
aki. Den un buki cu lo sali riba esaki, ta bini hopi mas
informacion despues.
Hubert (Juby) Naar
Oranjestad, 4 di juni 2004
Introduccion
Como mucha teenager mi a bin tende di Dera Gai y mi bisiña,
sr. Gregorio “Dodo” Willems, awe difunto, a yega di expresa
algo tocante “Dera Ga1” y riba mi pregunta kico esei ta, mi a bin
haya un relato cortico di dje, di manera cu mi a sera conoci cu
Dera Gai y fiesta di San Juan, pero sin cu e interes a drenta mi
pisa.
Sinembargo na 1966 mi a yega di entrevista sr. Julio Maduro
riba e topico ak1 na Voz di Aruba y mi interes a crece ainda mas
pa haya sa mas. Prome cu ese1 mi a yega di tende papiamento
tocante di “Dera Ga1” den programa di sr. Hubert Booi di
Oficina di Cultura y Educacion. E tempo el e tabata tin su
datonan documenta hopi aña prome. Na Radio Kelkboom e
tabata presenta den “Butishi di Alegria” di Ito Tromp y Eddy
Tromp y aki tambe a yega di papia varios biaha riba Dera Gai y
fiesta di San Juan. Mi a perde contacto regular cu sr. Julio
Maduro y tabata na 1977 den oficina di Extra, tempo cu e
agencia Arubano di noticia, cu awe ta publica DIARIO.
Tabata den e agencia y coresponsal di EXTRA, cu mi a sinta cu
Julio Maduro atrobe, ya cu casi diariamente nos tabata topa
otro na oficina. Na 1977 tabata di 4 lustro di celebracion di
fiesta di San Juan na Sport Boys. Binti aña cu e pueblo general
di Aruba no tabata sa mes kico ta kico. E motibo tras di esaki
tabata cu tabata celebra e fiesta den bario, na unda tabatin
cunucu y den seno familiar hunto cu amigo y bisiña y no tabata
tin publicidad manera awendia. E corantnan y emisoranan e
tempo aya no tabata promove e fiesta manera ta ser haci
awendia caminda den tur skina ta haya informacion. Despues
cu Extra (e agencia A.A.N. a pasa pa DIARIO na 1980) a
cuminsa cu publicacion na 1976 y a cuminsa menciona fiesta di
San Juan y Dera Gai na grandi. A duna promocion y cobertura y
asina Sport Boys su nomber a bira mas grandi, mientras cu
tabata tin otro lugarnan tambe cu tabata celebra, pero no cu e
imagen cu Sport Boys tabatin.
For di 1977 en adelante, a cuminsa informa e pueblo mas y mas
riba e fiesta ak1, pa medio di EXTRA (DIARIO) y despues dor
diotro corantnan.
Den esaki sr. Julio Maduro y mi persona tabata tin un aporte
grandi, te cu Julio Maduro a fayece. Ami a sigui busca
informacion y awe e interes ta asina grandi cu casi tur medio di
comunicacion y organisacion sa di e fiesta na Aruba y ta
promove esaki tambe. E fiesta a bira grandi te na Hulanda
tambe. S1 mi no ta kiboca e organisacion “Baranca” cu sra.
Henita Croes na 1990 a cuminsa celebra e fiesta ak1 y m1 por
hasta bisa, “cu mas entusiasmo cu na Aruba mes.” Na aña 2005
nan lo celebra nan di 3 lustro, apesar cu e aña aki, 2004, nan ta
celebra nan di 15 Dera Gai.
Historia
Na 1977 sr. Julio Maduro a pone riba papel pa mi e datonan cu
ta conoci awe di Dera Gai y cu ta ser usa tur caminda como “e
historia di Dera Ga1”. Mi aporte tabata masha minimo, pasobra
Julio tabata e gran conocedo y e tabata sa di kico e tabata papia
di dje y e tabata conoci como e historiado riba cultura di Aruba.
Despues di ese1 mi a sigui yena y Julio Maduro tambe a sigui
yena. Un di e cosnan cu semper tabata documenta di parti di sr.
Julio Maduro y te aweta cue fiesta mes ta di origen Indio.
Algo cu parce cu tur hende a lubida y no ta expresa y ta basa
nan mes riba e origen na frontera Mexicano-Guatemalteco y
pasa via Venezuela bin Aruba. Tocante e parti di origen mi lo
trata na splica mas despues pa por haya un idea con grandi e
Dia di San Juan ta, no na Aruba so, pero rond mundo. Mi lo
trata na relaciona cierto desaroyo di e historia y celebracion di
antiguo cu e celebracion na Aruba. No kere cu fiesta di San
Juan ta wordo celebra den e region aki so. Fiesta di San Juan ta
wordo celebra rond mundo, esta den henter continente
Americano, den diferente pais Europeo, na Africa, na Australia
y na Asia.
S1 nos den mundo occidental kita tur fiesta relaciona cu Mama
Maria afo, lo ripara cu e dos fiestanan mas grandi na mundo ta
fiesta di Pasco, Nacemento di Hesus y fiesta di San Juan
Bautista. Dos fiesta of celebracion cu ta ser considera como e
dos celebracionnan S$Solsticio(inmobilidad solar) grandi.
Cabamento di un ciclo Solsticio y cuminsamento di otro ciclo
Solsticio. Fiestanan di so/o cu tin di haber cu agricultura,
plantacion y cosecha.