Flavius Philostratus Vita Apollonii Tyanei

386 Pages·2022·3.326 MB·Ancient Greek

by  Gerard Boter, Flavius Philostratus

B I B L I O T H E C A
SCRIPTORVM GRAECORVM ET ROMANORVM
T E V B N E R I A N A
BT 2043
CONSILIATORES TEVBNERIANI
GIAN BIAGIO CONTE
MARCUS DEUFERT
JAMES DIGGLE
DONALD J. MASTRONARDE
FRANCO MONTANARI
HEINZ-GÜNTHER NESSELRATH
DIRK OBBINK
OLIVER PRIMAVESI
MICHAEL D. REEVE
RICHARD J. TARRANT

FLAVIVS PHILOSTRATVS
VITA APOLLONII TYANEI
EDIDIT
GERARD BOTER
DE GRUYTER
ISBN 978-3-11-021882-4
e-ISBN (PDF) 978-3-11-026213-1
ISSN 1864-399X
Library of Congress Control Number: 2021952070
Bibliographic information published by the Deutsche Nationalbibliothek
The Deutsche Nationalbibliothek lists this publication in the Deutsche Nationalbibliografie;
detailed bibliographic data are available on the Internet at http://dnb.dnb.de.
© 2022 Walter de Gruyter GmbH, Berlin/Boston
Printing: CPI books GmbH, Leck
www.degruyter.com
HOC VOLVMINE CONTINENTVR
Praefatio ············································································································· VII
De fontibus Philostrati Vitae Apollonii Tyanei ································ VII
De codicibus manuscriptis ······························································· VII
De auctoribus veteribus Vitam Apollonii Tyanei
laudantibus ·············································································· XII
De editionibus ····················································································· XV
De studiis ad textum constituendum pertinentibus ················· XIX
De Philostrati Graecitate ········································································· XX
De ratione huius editionis ··································································· XXIV
De recensione ··················································································· XXIV
De capitum distinctione et sectionum divisione ······················ XXV
De apparatu fontium ····································································· XXVI
De apparatu testimoniorum ························································ XXVI
De apparatu critico ······································································· XXVII
Conspectus librorum ··················································································· XXX
Conspectus siglorum ····················································································· LVI
Φιλοστράτου Εἰς τὸν Τυανέα Ἀπολλώνιον
Α ····························································································································· 1
Β ···························································································································· 40
Γ ···························································································································· 73
Δ ·························································································································· 110
Ε ·························································································································· 147
Ϛ ·························································································································· 179
Ζ ·························································································································· 222
Η ························································································································· 258
Lectiones variantes minores ········································································· 297
Index fontium ································································································· 303
Index nominum ······························································································ 307

PRAEFATIO
DE FONTIBVS PHILOSTRATI VITAE APOLLONII TYANEI
De fontibus textus Philostrati Vitae Apollonii Tyanei (quam dehinc
siglo VA indicabo) qui nobis hodie praesto sunt egi in duobus studiis
annis 2009 et 2014 in lucem emissis.¹ In hac praefatione breviter ex-
ponam quae illic copiose exposui. Primum de codicibus manuscriptis
agam; deinde de auctoribus veteribus qui VA laudant; tertio loco
exponam quae editores et studiosi ab anno 1501 usque ad tempora
nostra ad textum constituendum contribuerint.
De codicibus manuscriptis
Numerus codicum manuscriptorum Philostrati Vitam Apollonii
Tyanei continentium qui hodie exstant est 29.² Horum duodecim ex-
cerpta tantum continent,³ unus (Vaticanus gr. 956) deficit medio in pri-
mo libro, unus (Berolinensis gr. 188 [= Phillips 1591]) primos quattuor
tantum libros habet, unus (Vaticanus Palatinus gr. 329) incipit medio in
1 G.J. Boter, Towards a New Critical Edition of Philostratus’ Life of Apollonius:
The Affiliation of the Manuscripts, in K. Demoen & D. Praet (edd.), Theios
Sophistes, Lugduni Batavorum/Bostoniae 2009, 21–56; G.J. Boter, Studies in
the Textual Tradition of Philostratus’ Life of Apollonius of Tyana, RHT n.s. 9
(2014), 1–49.
2 Codex Vratislaviensis Rehdigeranus 39 ad finem Belli Orbis Terrarum Secundi
periisse credebatur. Re vera flammis ereptus et servatus fuit. Hodie Cracoviae
conservatur, Biblioteka Zgromadzenia Księży Misjonarzy, VIII.16.2. Vide G.J.
Boter, The Codex Vratislaviensis of Philostratus’ Life of Apollonius of Tyana,
Mnemosyne 73 (2020), 132–137.
3 Vide Boter 2014, 27–37. N.G. Wilson intuitum meum convertit in A.A. Re-
nouard, Catalogue d’une précieuse collection de livres, manuscrits, autographes,
dessins et gravures composant actuellement la bibliothèque de M. A. A. R. [i.e.
A. A. Renouard], Parisiis 1853. Sub numero 293 huius catalogi legitur (p. 29):
“Manuscrit grec. In-fol. du XIVe ou du XVe siècle, d’une bonne écriture. (...)
Sept feuillets grecs in-fol., certainement de la main de Marco Musuro, et qui
ont dû servir à l’impression du Philostratus Aldi, 1501, in-fol. (...)”. De hoc
codice autem nihil comperti habeo.
VIII PRAEFATIO
libro quarto, ceteri textum vel integrum vel paene integrum conservant.
Hac in praefatione tantummodo de codicibus quos vocant primarios
agam; ut certior fias de necessitudinibus codicum descriptorum, vide
studia mea supra memorata.
Codices divisi sunt in familias duas, quam sortem communem ha-
bent cum codicibus permultorum textuum, in quibus etiam Philostrati
Heroicus⁴ et Vitae Sophistarum.⁵ Familiae primae princeps et modo
non solus testis est codex Parisinus gr. 1801, prima parte saeculi XIV
exaratus, cui siglum A tribui. Huic codici C.L. Kayser, qui anno 1844
primam vere criticam editionem VA confecit, tantum auctoritatis tri-
buit ut eum unum genuinae scripturae testem appellabat, illud Horati-
anum “velut inter ignes luna minores” ei applicans (in editione altera
anno 1870 in lucem emissa, p. XXV n. 18). A ab uno eodem scriba ex-
aratus est, qui lectiones variantes et glossemata supra lineam et in
margine addidit. De origine lectionum variarum nil statuendum est nisi
quod partim ex aliis codicibus assumptae esse videntur, partim coniec-
turae habendae sunt. Vna manus recentior hic illic aliquot lectiones va-
riantes scripsit. Codex desinit in voce βα[σιλείοις] (8.26.1 [p. 292.19]);
cetera afuisse in eius exemplari suspicor, quia ultima vox in codice A
media in pagina scripta est.
In prima parte libri octavi codici A se comitem iungit codex Lau-
rentianus Conventi Soppressi 155, circa annum 1400 exaratus, cui
siglum S dedi. Usque ad sectionem decimam capitis septimi libri octavi
(p. 265.17) S in progenie codicis Laurentiani plut. 69.33 (F) nume-
randus est, sed deinde lectiones variantes cum codice A communes
habet. Cum uterque codex errores singulares exhibeat, codices gemelli
habendi sunt. In codice S octo scribas distinxi; praeterea multi alii
adnotationes correctionesque addiderunt. Pars in qua S gemellus codi-
cis A est, a scriba octavo scripta est. Etiam huic textus parti complures
manus recentiores correctiones adnotationesque adscripserunt. S desi-
nit post κἈργόθεν (8.15.2 [p. 287.9]), quae vox in fine paginae scripta
est.
4 Vide L. de Lannoy, Flavii Philostrati Heroicus, Lipsiae 1977, pp. V–XII; S.
Follet, Philostrate, Sur les héros, Parisiis 2017, pp. CXXXV–CLXVIII.
5 Vide R.S. Stefec, Zur Überlieferung und Textkritik der Sophistenviten Philo-
strats, WS 123 (2010), 63–93; id., Flavii Philostrati Vitas Sophistarum, ad quas
accedunt Polemonis Laodicensis declamationes quae exstant duae, recognovit bre-
vique adnotatione critica instruxit Rudolf S. Stefec, Oxonii 2016, pp. V–VII.
PRAEFATIO IX
Nunc ad familiam alteram transeamus. Haec familia divisa est in ramos
duos, quorum primus a solo Escorialensi Φ.III.8, cui siglum E tribui,
constituitur. Codicem E totum unus scriba exaravit. Quattuor manus
posteriores correctiones scripserunt, aliaeque manus scholia et glos-
semata marginalia addiderunt. E desinit in voce Κρή[τῃ] (8.30.2
[p. 294.23]); in ultima parte operis in eius locum succedunt apographa
P (Parisinus gr. 1696) et M (Marcianus gr. App. Cl. XI.29 [coll. 1376]).
Familiae secundae ramus alter repraesentatur a gemello deperdito
codicis E. Hic codex deperditus duos posteros genuit, quorum primus
est codex deperditus quo Photius in Bibliotheca sua componenda usus
est. Gemellus deperditus Photii codicis fons habendus est duorum
codicum, quorum primus est Vaticanus Palatinus gr. 329 (qui siglo Q
indicatur), alter autem etiam deperditus fuit fons codicis Laurentiani
plut. 69.33 (qui siglo F indicatur) et alterius codicis deperditi, qui fuit
fons codicis Parisini Suppl. gr. 608 (cui siglum C dedi) et codicis de-
perditi quem consuluit auctor glossarii cui nomen Suda.
Codicem F exaraverunt scribae duo, quorum alter incipit in initio
capitis decimi libri secundi (p. 46.17–18 οὔ φησιν). Scribae ipsi multa
scholia addiderunt, quae Arethae debita esse videntur.⁶ Corrector quem
siglo F2 indicavi, totum per codicem correctiones addidit; praeter hanc
manum multae aliae nonnulla scripserunt. F desinit post vocem ἔφασαν
(8.31.2 [p. 296.4]).
Codex Q ab uno scriba anonymo exaratus est, excepto folio 21v,
quod exaravit Georgius Galesiotes. Scriba eadem scholia adscripsit quae
in codice F legimus. Manus posteriores nihil addunt nisi breves adnota-
tiunculas. Pars prior codicis periit, ita ut codex qualem habemus hodie
incipit in voce ἐζωγράφει (4.25.3 [p. 128.1]).
Codex C qualis est hodie est miscellaneus continens partes exaratas
usque a saeculo decimo ad saeculum sedecesimum. Folia 81r–v et 85r–
86r, saeculo decimo exarata, continent excerpta initii libri primi.
Ad excerpta in Photii Bibliotheca et in glossario cui nomen Suda
conservata infra redibo.
Luce clarius est inter codices eorumque proavos contaminationem quam
vocant crebram accidisse, sicut apparet exempli gratia in 1.21.2 (p. 22.6)
6 Vide R. Bailey, Arethas of Caesarea and the Scholia on Philostratus' Vita
Apollonii in Codex Laurentianus Pluteus 69.33, Byzantion 86 (2016), 59–89.
X PRAEFATIO
ἤρετο A1sl E : ἔροιτο A F. Scribae nonnullis in locis lectiones variantes
suo Marte introduxisse manifestum est, velut in 1.3.2 (p. 4.17) ὑπο-
θειάζων, ubi scriba codicis A scripsit περ supra lineam (= ὑπερθειάζων);
item in 4.40.2 (p. 140.16) ὑποθεραπεύων prima manus in codice A
addidit compendium pro ερ supra lineam (= ὑπερθεραπεύων); in 6.11.12
(p. 193.11) ὑποθειαζούσης autem nulla varia lectio in codice A invenitur.
Scriba (vel eius praecessor)⁷ ratiocinari videtur praeverbium ὑπο- sen-
sum verbi deminuere, non amplificare; utroque loco libri primi prae-
verbium ὑπερ remedii causa addidit, in libro quarto autem hoc omisit.
In prioribus duobus locis videmus manum scribae studiosi variantem
lectionem addentem; alibi autem coniecturam ipso in textu reprehen-
disse mihi videor, sicut in initio capitis primi libri septimi (p. 222.2), ubi
codices FQ post vocem ἀνήρ addiderunt verba πρὸς αὐτάς (i.e. τυραν-
νίδας).
Si mea descriptio codicum necessitudinum parum perspicua est, en
habes, benevole lector, stemma, quod tibi ad oculos demonstret quo-
modo res se habeant. Contaminationes in stemmate lineolis interruptis,
ut saepe fit, indicare nolui.
7 Nullo modo decerni potest utrum lectiones variantes supra lineam additae ab
ipso scriba excogitatae sint an iam in exemplari adfuerint.